कान्तिपुर वेबसाईट
AdvertisementAdvertisement
१७.१२°C काठमाडौं
काठमाडौंमा वायुको गुणस्तर: १९६

जसिता र धिरजको रोमान्टिक ‘कथा’

काठमाडौँ — वैशाख तेस्रो साता रिलिज हुन लागेको फिल्म ‘ज्याकीः आई एम ट्वान्टी वान’ को सामग्रीले दर्शकलाई एकपछि अर्को रूपमा सरप्राइज दिइरहेको छ । फिल्मको फस्टलुक सार्वजनिक भएसँगै फिल्मप्रति दर्शकको उत्सुकता पनि ह्वात्तै बढेको छ । यसले, फिल्मको निर्माण पक्षमा दबाब सिर्जना गरिरहेको छ ।

जसिता र धिरजको रोमान्टिक ‘कथा’

टिजर र फस्टलुक पोस्टरपछि फिल्मको निर्माण पक्षले पहिलो गीत पनि सार्वजनिक गरेको छ । ‘कथा’ बोलको गीत आइप्लेक्स मलमा रहेको वान सिनेमाज्मा एक कार्यक्रमको आयोजना गर्दै सार्वजनिक गरिएको हो ।

कार्यक्रममा फिल्मका मुख्य कलाकारद्वय धिरज मगर र जसिता गुरुङले उक्त गीतमा नृत्यसमेत गरेका थिए । गीतमा त्रिशला गुरुङ र रोहित शाक्यको स्वर, किरण थापाको शब्द, रोहित शाक्य र किरण थापाको संगीत छ । भिडियोमा मुख्य कलाकारद्वय धिरज र जसितालाई फिचरिङ गरिएको छ । उनीहरू गीतमा केही रोमान्टिक देखिएका छन् । यो फिल्ममा सुशन प्रजापतिको छायांकन, निमेष श्रेष्ठको सम्पादन छ । गीतको भिडियोलाई द वाइल्ड रिपर्ज क्रुले कोरियोग्राफी गरेको हो । सोमनाथ खनाल र रेनशा राई रानाको संवाद रहेको फिल्मलाई रेनशा राई रानाले निर्देशन गरेकी हुन् । फिल्मलाई डान्स ड्रामा भनिएको छ ।

आइकोर फिल्मस्को ब्यानरमा निर्माण भएको फिल्मका निर्मातामा प्रभुशमशेर जबरा र प्रज्वलशमशेर जबरा छन् । फिल्ममा रोहितको साथमा स्वप्निल शर्मा र कालिप्रसाद बाँस्कोटाको संगीत छ । कार्यक्रममा बोल्दै नायक धिरज मगरले आफ्नो लागि ‘ज्याकीः आई एम ट्वान्टी वान’ करिअरकै विशेष फिल्म भएको बताए । यस्तै, नायिका जसिता गुरुङले एउटा फिल्मका लागि ३ वर्ष समय दिएको र फिल्मका लागि गरेको मिहिनेत सम्झँदा पनि खुसी लाग्ने बताइन् ।

प्रकाशित : चैत्र ७, २०७९ ०७:३४
प्रतिक्रिया
पठाउनुहोस्
जनताको राय

चालु वर्षको ९ महिनामा वार्षिक लक्ष्यको ३२.२४ प्रतिशत मात्र विकास खर्च हुनुको अर्थ के हो ?