कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १५५

कोरोना प्रभाव : ओस्कर, कान्सलगायत ठूला फिल्म फेस्टिभल पछाडि धकेलिने

काठमाडौँ — विश्व प्रख्यात ‘कान्स’ फिल्म फेस्टिभलको मिति अनिश्चितकालका लागि पछाडि धकेलिएको छ । कान्स मात्रै होइन, कोभिड–१९ को महामारीले विश्वभरका फिल्म फेस्टिभललाई असर पर्ने भएको छ ।

कोरोना प्रभाव : ओस्कर, कान्सलगायत ठूला फिल्म फेस्टिभल पछाडि धकेलिने

फिल्मकर्मीबीच प्रख्यात एकेडेमी अवार्ड (ओस्कार २०२१)को मिति पनि पछाडि धकेलिने चर्चा चल्न थालेको छ । हुन त एकेडेमीको ९३ औं संस्करण आगामी फेब्रुुअरी २८ मा तय भएको छ । कोरोना महामारीले गर्दा २०२० मा फिल्मको रिलिज ठप्प भएसँगै एकेडेमीको मिति निर्धारित समयभन्दा चार महिना पछाडि धकेलिने चर्चा चुुलिएको हो ।

हालै एकेडेमीले अनलाइन स्ट्रिमिङ भएको फिल्मले पनि ओस्कारमा भाग लिन पाउने नियम बनाएको छ । फिल्म अवार्डहरुको हालत पनि उस्तै छ । फिल्म फेस्टिभलको हकमा भने कतिले फेस्टिभलको मिति पछाडि सारेका छन् त कतिले अनलाइन माध्यमबाट फेस्टिभल आयोजना गरेका छन् ।

भारतमा ह्याबिट्याट इन्टरनेसल फिल्म फेस्टिभल (हिफ) मार्च २१ मा गर्ने तय भएको थियो । तर यो फेस्टिभललाई मे २१ तारिखमा सारिएको छ ।

‘म यो वर्ष पनि हिफमा सहभागी हुने योजनामा थिएँ । तर लकडाउनले मेरो यो योजना पूरा हुन दिएन । यसले फिल्म फेस्टिभलहरुला अनलाइन स्क्रिनिङको मौका दिएको छ जस्तो मलाई लाग्छ,’ थियटर कलाकार मलयजले द हिन्दुस्तानलाई भनेका छन् ।

इन्टरनेसनल डकुमेन्ट्री फिल्म फेस्टिभल आम्स्टर्डम, इन्टनेस्नल फिल्म फेस्टिभल रोटर्डम र भारतको धर्मशाला फिल्म फेस्टभिल (डिफ)का आयोजकहरुले अनलाइनमै फेस्टिभल गर्ने अभ्यास गरेका छन् । अनलाइनमार्फत फेस्टिभलका फिल्महरु उनीहरुले दर्शकलाई देखाएका छन् ।

डिफले त फिल्म हेर्ने ‘भिविङ रुम’ नै लन्च गरेर उक्त वेबसाइटमार्फत आफ्ना विद्यार्थीहरुले बनाएको फिल्म देखाइरहेको छ । ‘लकडाउनले गर्दा धेरै फिल्मको प्रदर्शनमा असर पुग्यो । हामीले दर्शकलाई अनलाइन कन्टेन्टको आवश्यकता महसुस गरेर भिविङ रुम सुरु गरेका हौं । डिफमा भाग लिएका फिल्महरु पनि हामी देखाइरहेका छौं,’ फेस्टिभलको निर्देशक ऋतु सरिनले बताइन् ।

दिल्लीको कृति फिल्म क्लबमा हरेक महिना एउटा डकुमेन्ट्री फिल्म देखाइन्थ्यो । यसले पनि लकडाउनलाई मध्यनजर गरेर युट्युबमै फिल्म प्रदर्शन सुरु गरेको छ । अहिले फिल्म क्लब र फेस्टिभललाई ओटीटी (ओभर दि टप)सँग प्रतिस्पर्धा गर्न गाह्रो भएको क्लबकी संस्थापक आँचल कपुर बताउँछिन् ।

त्यस्तै, दिल्लीकै क्यारट फिल्मसले अनलाइन सर्ट फिल्म कन्टेस्ट, लकडाउन फेस्टिभलसमेत आयोजना गरेको छ । फेस्टिभलमा धेरैले सहभागिता जनाएका छन् । फेस्टिभलले नयाँ फिल्ममेकरलाई पनि सहभागी हुने अवसर दियो । फिल्ममेकरहरुले घरमै बनाएका सिर्जनाले फेस्टिभलमा प्रस्तुत गर्न पाए ।

अहिलेको अवस्थामा अनलाइन स्क्रिनिङ उपयुक्त देख्छन्, फिल्मकर्मीहरु । अनलाइनमार्फत पनि फिल्म फेस्टिभल गर्न सकिने क्यारट फिल्म फेस्टिभलकी विद्याले भनिन् ‘यो माध्यम सुलभ र पहुँचमा छ ।’

प्रकाशित : जेष्ठ ६, २०७७ १५:२३
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?