एउटै कामका लागि धेरै ठाउँमा धाउनु पर्दा व्यवसायी निरुत्साहित हुने उनले बताइन् । ‘बोस्टनबाट छोरालाई ल्याएर नेपालमै कृषि कर्ममा लागेका छौं । तर एउटै कामका लागि धेरै निकाय धाउनुपर्ने बाध्यता छ,’ उनले भनिन्, ‘व्यवसायीको काम एकदार प्रणालीमार्फत् छिटो छरितो हुन जरुरी छ । सरकारले छिटो छरितो काम गर्न नीति परिवर्तन गर्नुपर्छ।’

एग्रो क्षेत्रमा टेक्नो कमर्सियल दक्षता पनि आवश्यक रहेको बताइन् । भेटनरी स्कुलबाट जेटिए, डाक्टर उत्पादन गरेपनि अस्थिर रहेको उनको भनाइ छ । ‘निजी क्षेत्रले दिर्घकालीन रुपमा सोच्छ, तर कमर्सियल दक्षताको अभाव छ । त्यसलाई पूर्ति गर्न श्री किसान इनोभेसन हब स्थापना गरेका छौं । त्यहीँबाट पास भएका जेटिए, भेटनरी डाक्टरलाई एग्री उद्यमशीलताको ज्ञान दिएका छौं,’ उनले भनिन्, ‘यी बाहेक श्रीनगर एग्रो फार्म प्रालिले भ्यालु चेनको रुपमा पनि काम गरेको छ । उत्पादनदेखि बजार पहुँचसम्मको पुर्‍याउने काम गरेको छ । फिड उद्योगका लागि मुख्य आवश्यक मकै हो, स्थानीय उत्पादन बढाउन विभिन्न काम पनि गरेका छौं ।’

लुम्बिनीको सामर्थ्य