'डिजिटल मुद्रा' प्रयोगको प्रारुप तयार गरिने
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — अहिले चल्तीमा रहेका कागजी मुद्रा वा सिक्काको विकल्पका रूपमा विभिन्न देशका केन्द्रीय बैंकले परीक्षण गरिरहेको विद्युतीय मुद्रा प्रयोगमा ल्याउन नेपाल राष्ट्र बैंकले पनि थप पहल अघि बढाउने भएको छ । आर्थिक वर्ष २०८१/८२ को मौद्रिक नीतिमा सीबीडीसीको प्रारुप तयार गर्ने उल्लेख छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
!['डिजिटल मुद्रा' प्रयोगको प्रारुप तयार गरिने](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/digital-currency-2672024095947-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
सेन्ट्रल बैंक डिजिटल करेन्सी (सीबीडीसी) सम्बन्धी राष्ट्र बैंकले हालै सार्वजनिक गरेको अध्ययन प्रतिवेदनको आधारमा पहिलो चरणमा 'होलसेल सीबीडीसी' प्रयोगमा ल्याउन खोजिएको छ । बैंक तथा वित्तीय संस्थाबीचको कारोबारमा प्रयोग हुने होलसेल सीबीडीसीको प्रारुप (डिजाइन क्यारेक्टरिस्टिक्स) तयार गरिने मौद्रिक नीतिमा भनिएको छ ।
‘केन्द्रीय बैंक विद्युतीय मुद्रासम्बन्धी अध्ययनका आधारमा होलसेल सीबीडीसीको प्रारुप तयार गर्ने कार्य अगाडी बढानेछ,’ मौद्रिक नीतिमा भनिएको छ । राष्ट्र बैंकले पछिल्ला केही वर्षयताको मौद्रिक नीतिमा सीबीडीसीबारे निरन्तर विभिन्न योजनाहरू समावेश गर्दै आएको छ । सन् २०२३ को जुलाईदेखि आफ्नो भुक्तानी प्रणाली विभागअन्तर्गत सीबीडीसीसम्बन्धी छुट्टै इकाइसमेत स्थापना गरी सञ्चालनमा ल्याएको छ ।
राष्ट्र बैंकले होलसेल सीबीडीसीको पाइलट परीक्षण सन् २०२६ को अगस्टमा हुने आफ्नो चौथो रणनीतिक योजनामा समेत उल्लेख गरेको थियो । सर्वसाधारणले प्रयोग गर्ने रिटेल सीबीडीसी भने सन् २०२७ को जुनदेखि र क्रस बोर्डर सीबीडीसीका लागि सन् २०२६ को डिसेम्बरमा निर्णय गरिने भनिएको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)