साउनभित्र सिंहदरबारबाट एलपी ग्यास विस्थापन गरिने- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement
बजेट २०७९/०८०

साउनभित्र सिंहदरबारबाट एलपी ग्यास विस्थापन गरिने

कान्तिपुर संवाददाता

काठमाडौँ — सरकारले साउनभित्र प्रमुख प्रशासकीय केन्द्र सिंहदरबारबाट एलपी ग्यास चुलो विस्थापन गर्ने भएको छ । संसदमा आर्थिक वर्ष २०७९-८० को बजेट प्रस्तुत गर्दै अर्थमन्त्री जनार्दन शर्माले साउन महिनाभित्र सिंहदबारका ग्यास चुलोलाई बिजुली चुलोले विस्थापन गर्ने घोषणा गरे ।

उनले सरकारले एलपी ग्यास विस्थापित गर्ने नीति लिइएको बताए । त्यस्तै तीन महिनाभित्र महानगर र उपमहानगरका सार्वजनिक कार्यालय र निवासबाट ग्यास चुलाे विस्थापन गरिने उनले घोषणा गरे । ग्यासमा दिइँदै आएको अनुदान क्रमश घटाइँदै लगिने उनले बताए । करिब १ लाख घरधुरीलाई सुधारिएको चुलाे जडान गर्ने लक्ष्य सरकारले लिएको छ ।

प्रकाशित : जेष्ठ १५, २०७९ १७:५४
प्रतिक्रिया
पठाउनुहोस्

स्वास्थ्य विज्ञान प्रतिष्ठान र मेडिकल कलेजले दुर्गम क्षेत्रमा निःशुल्क स्वास्थ्य शिविर सञ्चालन गर्नुपर्ने

कान्तिपुर संवाददाता

काठमाडौँ — सबै स्वास्थ्य विज्ञान प्रतिष्ठान र मेडिकल कलेजहरूले वार्षिक कम्तीमा दुईपटक अनिवार्य रुपमा स्थानीय तहका आधारभूत अस्पतालहरूमा र ग्रामीण तथा दुर्गम क्षेत्रहरूमा निःशुल्क स्वास्थ्य शिविर सञ्चालन गर्नुपर्ने भएको छ ।

आइतबार संसद्‌मा आगामी आर्थिक वर्षको बजेट प्रस्तुत गर्दै स्थानीय तहसँगको समन्वय र सहकार्यमा स्वास्थ्य प्रविधि तथा अनुभवसमेत आदानप्रदान हुने गरी सबै स्वास्थ्य विज्ञान प्रतिष्ठान र मेडिकल कलेजहरूले वार्षिक कम्तीमा दुईपटक अनिवार्य रुपमा स्थानीय तहका आधारभूत अस्पतालहरूमा र ग्रामीण तथा दुर्गम क्षेत्रहरूमा निःशुल्क स्वास्थ्य शिविर सञ्चालन गर्नुपर्ने बताएको ।

गुणस्तरीय स्वास्थ्य सेवा उपलब्ध गराउन र स्वास्थ्य पर्यटन प्रवर्द्धन गर्न लुम्बिनी प्रदेशको राजापुरमा पाटन स्वास्थ्य विज्ञान प्रतिष्ठानमार्फत् र मधेस प्रदेशको सप्तरीमा चिकित्सा विज्ञान राष्ट्रिय प्रतिष्ठानमार्फत् सुपर स्पेसियालिटी सेवासहितको स्वास्थ्य सेवा प्रदान गर्न अस्पताल निर्माण गरिने भएको छ । शिक्षक अस्पताल निर्माण कार्य अगाडि बढाइने भएको छ ।

यस्तै सरकारले सिकल सेल एनिमिया अनुसन्धान तथा उपचार केन्द्र स्थापना गरिने बजेटमार्फत घोषणा गरेको छ । रुपन्देहीको सैनामैना नवलपरासी पूर्वको देवचुली कैलालीको लम्की कर्णाली कोरिडोरको राकम र धादिङ बेल्खुमा ट्रमा सेन्टर निर्माण गरिने भएको छ ।

साथै, मिर्गौला रोगीहरुको निःशुल्क मिर्गौला प्रत्यारोपणको व्यवस्था मिलाइने छ । सबै प्रादेशिक अस्पतालमा डायलिसिस सुविधा उपलब्ध गराउन डायलासिस मेसिन खरिद गर्न रकम छुट्याइएको छ ।

प्रकाशित : जेष्ठ १५, २०७९ १७:५२
पूरा पढ्नुहोस्
प्रतिक्रिया
पठाउनुहोस्
×