नागढुंगा-सिस्ने खोला सुरुङलाई ५ अर्ब रकम विनियोजन- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement
बजेट २०७९/८०

नागढुंगा-सिस्ने खोला सुरुङलाई ५ अर्ब रकम विनियोजन

कान्तिपुर संवाददाता

काठमाडौँ — नागढुंगा–सिस्ने खोला सुरुङ मार्गको आगामी आर्थिक वर्षभित्र निर्माण सम्पन्न गर्ने गरी बजेट व्यवस्थापन गरिएको छ । अर्थमन्त्री जर्नादन शर्माले आइतबार आगामी वर्षको बजेट प्रस्तुत गर्दै उक्त सुरुङ मार्गका लागि ५ अर्ब २० करोड रुपैयाँ बजेट विनियोजन गरेको बताएका छन् ।

उक्त सुरुङको अहिले निर्माणको काम जारी छ ।

त्यस्तै आगामी आर्थिक वर्ष २०७९/८० का लागि राष्ट्रिय गौरवको आयोजना काठमाडौं-तराई-मधेस द्रूतमार्ग (फास्ट ट्रयाक) का लागि तीन वर्षभित्र सम्पन्न गर्ने गरी ३० अर्ब ७ करोड रुपैयाँ बजेट विनियोजन गरिएको छ ।

आइतबार आगामी आर्थिक वर्षको बजेट प्रस्तुत गर्दै अर्थमन्त्री जनार्दन शर्माले उक्त रकम फास्ट ट्रयाकका लागि विनियोजन गरिएको बताए ।

प्रकाशित : जेष्ठ १५, २०७९ १७:४८
प्रतिक्रिया
पठाउनुहोस्

भौतिक मन्त्रालयको बजेट बढ्यो

आगामी वर्षका लागि १ खर्ब ५६ अर्ब बजेट बिनियोजन
कान्तिपुर संवाददाता

काठमाडौँ — भौतिक पूर्वाधार तथा यातायात मन्त्रालयको बजेट वृद्धि गरिएको छ । चालु आर्थिक वर्षमा १ खर्ब ५६ अर्ब बजेट विनियोजन भएकोमा आगामी आर्थिक वर्ष २०७९/०८० का लागि १ खर्ब ६१ अर्ब ५६ करोड रुपैयाँ बजेट विनियोजन गरिएको छ ।

जसमा सबैभन्दा धेरै बजेट फास्ट ट्रयाकका लागि विनियोजन गरिएको छ । फास्ट ट्रयाकका लागि मात्र ३० अर्ब रुपैयाँ बजेट विनियोजन भएको छ ।

भौतिक मन्त्रालय सबैभन्दा बढी बजेट पाउने मन्त्रालयमा पर्छ । चालु आर्थिक वर्षको १० महिना बित्दा विकास खर्च भने सोचे अनुरुप हुन सकेको छैन ।

प्रकाशित : जेष्ठ १५, २०७९ १७:४७
पूरा पढ्नुहोस्
प्रतिक्रिया
पठाउनुहोस्
×