विदेशी विद्यार्थीलाई आरक्षण र प्राध्यापकलाई आवागमन सहज बनाइने - अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement
बजेट २०७९/०८०

विदेशी विद्यार्थीलाई आरक्षण र प्राध्यापकलाई आवागमन सहज बनाइने 

कान्तिपुर संवाददाता

काठमाडौँ — सरकारले नेपालमा पढाइका लागि आउने विद्यार्थीका लागि नेपालका शैक्षिक संस्थाहरूमा आरक्षणको व्यवस्था गर्ने भएको छ । सरकारले आगामी आर्थिक वर्षको बजेट घोषणा गर्दै नेपालमा अध्यापन गराउन आउने विदेशी प्राध्यापकहरूलाई पनि सहजीकरण गरिने  बताएको छ ।

अर्थमन्त्री जनार्दन शर्माले आर्थिक वर्ष २०७९/०८० को बजेटमा विदेशबाट नेपालमा पढ्न आउने विद्यार्थीका लागि आरक्षणको व्यवस्था गरिने उल्लेख गरेका हुन् । 'नेपालका शैक्षिक संस्थाहरूमा विदेशी विद्यार्थीलाई आरक्षणको व्यवस्था गरी भर्ना, भिसा र आवासको सहज व्यवस्था गरिनेछ,' उनले भने, 'विदेशी प्राध्यापकहरूलाई समेत सहज भिसाको व्यवस्था गरी नेपाल आउन सहजीकरण गरिनेछ ।'

त्यस्तै, नेपालमा सार्वजनिक निजी साझेदारी अवधारणामा अन्तर्राष्ट्रिय स्तरको सूचना प्रविधि अध्ययन प्रतिष्ठान स्थापना गर्न सरकारले सहजीकरण गर्ने पनि अर्थमन्त्रीले जानकारी दिए । उनले उच्च शिक्षाको अध्ययन/अध्यापनलाई अनुसन्धानमा आधारित बनाउन त्रिभुवन विश्वविद्यालयलाई सेन्टर अफ एक्सलेन्सको रुपमा विकास गर्ने योजना रहेको बताए ।

प्रकाशित : जेष्ठ १५, २०७९ १७:२६
प्रतिक्रिया
पठाउनुहोस्

शिक्षा तथा विज्ञान प्रविधि मन्त्रालयलाई ७० अर्ब ५ करोड रूपैयाँ विनियोजन

कान्तिपुर संवाददाता

काठमाडौँ — सरकारले शिक्षा तथा विज्ञान प्रविधि मन्त्रालयलाई ७० अर्ब ५ करोड रुपैयाँ विनियोजन गरेको छ । अर्थमन्त्री जनार्दन शर्माले आइतबार आर्थिक वर्ष ०७९/८०को बजेट सार्वजनिक गर्दै शिक्षा तथा विज्ञान प्रविधि मन्त्रालयलाई उक्त रकम विनियोजन गरिएको जानकारी दिएका हुन् ।

यस्तै सरकारले नयाँ र उदीयमान विषयमा स्वेदशमै उच्च शिक्षाको व्यवस्था मिलाउने प्रबन्ध गर्ने भएका छ । यस्तै, त्रिभुवन विश्वविद्यालयमा सेन्टर अफ एक्सिलेन्स स्थापना गरिने मन्त्री शर्माले बताए ।

सामुदायिक विद्यालयको गुणस्तर र नेतृत्व सुधारका लागि प्रधानाध्यापकलाई तालिमको व्यवस्था पनि गरिएको मन्त्री शर्माले जनाएका छन् ।

प्रकाशित : जेष्ठ १५, २०७९ १७:२४
पूरा पढ्नुहोस्
प्रतिक्रिया
पठाउनुहोस्
×