प्रहरीका अनुसार अहिले बकैया-११ घट्टेपाखा स्थित कान्तिलोकपथ सडक खण्डमा झरेको सुख्खा पहिरो हटाउन सडक विभागसँग समन्वय भइरहेको छ ।
काठमाडौँ — हेटौंडाबाट संघीय राजधानी आउजाउ गर्ने कान्तिलोकपथ र कुलेखानी-सिस्नेरीको बाटो पहिरो र खोलाको बहाव बढ्दा अवरुद्ध रहेको छ ।
जिल्ला प्रहरी कार्यालय मकवानपुरले बिहान ८:३० बजेबाट हेटौंडा-भैंसे-दामन, हेटौंडा-कुलेखानी- फर्पिङ सडकबाट साना सवारीलाई आउजाउ गर्न खुला गरेको थियो ।
अविरल वर्षापछि स्थानीय प्रशासनले शनिबार हेटौंडा-काठमाडौं आउजाउमा रोक लगाएको थियो । प्रहरीका अनुसार अहिले बकैया-११ घट्टेपाखा स्थित कान्तिलोकपथ सडक खण्डमा झरेको सुख्खा पहिरो हटाउन सडक विभागसँग समन्वय भइरहेको छ ।
मकवानपुर इन्द्रसरोवर-३ सिस्नेरी बजारस्थित पानीको बहाव बढ्न गई बाटो अवरुद्ध भएको ठाउँमा बाटो सञ्चालन गर्न आवश्यक काम सुरु गरिएको छ ।
सम्बन्धित अपडेट : वर्षाको विपद् : देशभर कहाँ कस्तो प्रभाव ? [लाइभ अपडेट]
