दक्षिण कोरियामा ‘नो मास्क, नो राइड’ नियम लागू

अब मास्क नलगाएका यात्रुलाई बस र ट्याक्सीचालकले रोक्न सक्छन् । नयाँ नियमअनुसार सार्वजनिक यातायातका साधनका चालकले पनि अनिवार्य रुपमा मास्क लगाउनुपर्नेछ ।

गत आइतबार ९ जना बसचालक र १२ जना ट्याक्सी चालकमा कोरोना भाइरसको संक्रमण भेटिएपछि दक्षिण कोरियाली सरकारले मास्क अनिवार्य रुपमा लगाउनुपर्ने नियम ल्याएको हो । त्यस्तै सबवेमा हिँड्ने यात्रुलाई पनि मास्क लगाउन निर्देशन दिइएको छ ।

दक्षिण कोरियामा हालसम्म ११ हजार २ सय ६५ जनामा कोरोना भाइरसको संक्रमण पुष्टि भएको छ । त्यसमध्ये १० हजार २ सय ९५ जना निको भएका छन् । दक्षिण कोरियामा कोरोना संक्रमणबाट हालसम्म २ सय ६९ जनाको मृत्यु भएको छ । दक्षिण कोरियामा सरकारले चालेका प्रभावकारी कदमका कारण अहिले संक्रमण नियन्त्रणउन्मुख रहेको बताइएको छ ।