काठमाडौँ — प्रधानमन्त्री सुशीला कार्कीको आधिकारिक फेसबुक अकाउन्ट फिर्ता भएको छ । गत अक्टोबर ५ देखि हराएको प्रधानमन्त्री कार्कीको अकाउन्ट शुक्रबार फिर्ता भएको हो । 

यसअघि प्रधानमन्त्रीको नाममा 'फेक'अकाउन्ट खुलेपछि प्रधानमन्त्री तथा मन्त्रिपरिषद्को कार्यालयले गत असोज १९ मा आधिकारिक अकाउन्ट सार्वजनिक गरेको थियो । तर आधिकारिक अकाउन्ट सार्वजनिक गरेको भोलिपल्टै प्रधानमन्त्रीको अकान्ट हराएको थियो ।

प्रधानमन्त्री कार्यालयले सूचना जारी गरेपछि 'PM Sushila Karki'को नाममा २९ वटा अकाउन्ट खुलेका थिए । साइबर ब्युरोले ती अकाउन्टहरुमाथि छानबिन बन्द गर्न लगाएको छ । 

साइबर ब्युरोका प्रवक्ता प्रहरी उपरीक्षक (एसपी) दिपकराज अवस्थीका अनुसार प्रधानमन्त्रीका नाममा खुलेका नक्कली अकाउन्टहरु विस्तारै बन्द हुन्छन् ।