कञ्चनपुर — कञ्चनपुरमा बिहीबार कोरोना संक्रमणबाट ४ जनाको मृत्यु भएको छ । जिल्ला स्वास्थ्य कार्यालयका अनुसार ३ जनाको महाकाली अस्पतालमा र एक जनाको कोहलपुर मेडिकल कलेजमा उपचारको क्रममा मृत्यु भएको हो ।
मृत्यु हुनेमा २ जना भीमदत्त नगरपालिका र २ जना बेदकोट नगरपालिकाका रहेका छन् । हालसम्म जिल्लामा कोरोना संक्रमणबाट मृत्यु हुनेको संख्या १५९ पुगेको स्वास्थ्य कार्यालयले जनाएको छ ।
बिहीबार जिल्लामा २१८ जना संक्रमण मुक्त भएका छन् । यसैगरी, पीसीआर परीक्षणबाट २९ र एन्टिजेन परीक्षणबाट ३३ गरी ६२ जनामा संक्रमण पुष्टि भएको छ ।
केही दिनयता जिल्लामा संक्रमण दर घटेको छ भने निको हुने दर बढेको छ । जसका कारण सक्रिय संक्रमितको संख्यामा पनि कमि आएको छ । स्वास्थ्य कार्यालयका अनुसार बिहिबार जिल्लामा संक्रमित संक्रमितको संख्या ८३८ रहेको छ ।
