आयरल्यान्डले सम्हालिएर ५ विकेटमा २ सय ३५ रनको स्कोर खडा गरेको छ ।
मुम्बई — कप्तान लोर्कन टकर र गेराथ डेलानीबीच भएको शतकीय साझेदारी मद्दतले आयरल्यान्डले ट्वान्टी-२० विश्वकप २०२६ मा ओमानसामु शनिबार १ कोलम्बोमा २ सय ३६ रनको लक्ष्य प्रस्तुत गरेको छ ।
समूह बीको खेलमा ओमानले टस जितेर पहिले ब्याटिङको निम्तो दिएपछि आयरल्यान्डले सम्हालिएर ५ विकेटमा २ सय ३५ रनको स्कोर खडा गरेको हो ।
एक समय आयरल्यान्डले ६४ रन बनाउँदासम्म ४ विकेट गुमाइसकेको थियो । त्यहीँबाट टकर र डेलानीले आफ्नो टिमलाई सुदृढ स्थितितर्फ दोहोर्याए । उनीहरूले पाँचौं विकेटका लागि १ सय १ रनको ठोस साझेदारी गरे । डेलानी ५६ रन बनाएर आउट भए । उनले ३० बलमा ३ चौका र ४ छक्का प्रहार गरे । टकरले भने नटआउट रहेर ९४ रन बनाए ।
उनले ५१ बलमा १० चौका र ४ छक्का प्रहार गरे । ओमानी बलरमध्ये सकिल अहमदले ३३ रनमा तीन विकेट हात पारे । दुवै टिम प्रतियोगितामा पहिलो जितको खोजीमा छन् ।
