इन्सपेक्टर राईका अनुसार, प्रदर्शनका बेला केही समूहहरूले कैदीहरूलाई उक्साउने प्रयास गरे पनि प्रहरी टोलीले संयमता, बुद्धिमत्ता र साहसिक ढंगले त्यसको प्रतिकार गरेको थियो । उनका अनुसार उक्त समयमा  सुरक्षालाई प्राथमिकता दिँदै कैदी, प्रहरी जनशक्ति र हतियार सबै सुरक्षित राख्न सफल उनको टिम सफल भएको थियो । 

सेनामा आफन्त भएकाले सुरक्षा सेवाप्रति आकर्षण भएको बताउने राईले अपराध अनुसन्धान, भीआईपी सुरक्षा, सम्पत्ति शुद्धीकरण, वित्तीय अपराध नियन्त्रण र साइबर क्राइम सम्बन्धी तालिम लिएका छन् ।

सिराहा, मोरङ र प्रहरी प्रधान कार्यालयको विशेष ब्यूरोमा सेवा गरिसकेका राई सार्वजनिक प्रशासनमा स्नातकोत्तर  गरेका छन् । यसअघि पनि उनले छ वटा विभागीय पुरस्कार प्राप्त गरिसकेका थिए । 

दिवसको अवसरमा गृहमन्त्री अर्यालले अवकाश प्राप्त प्रहरी नायब महानिरीक्षक कृष्णबहादुर रानालाई ‘लाइफटाइम अचिभमेण्ट अवार्ड’,  नेपाल प्रहरी प्रधान कार्यालय केन्द्रीय अनुसन्धान ब्यूरोका प्रहरी नायब उपरीक्षक धर्मराज भण्डारीलाई ‘मोतिलाल सर्वोत्कृष्ट अनुसन्धानकर्ता पुरस्कार’ र  जिल्ला प्रहरी कार्यालय रामेछापका प्रहरी नायब उपरीक्षक (डीएसपी) भोलाकुमार भट्टलाई ‘पूर्ण शान्ति पुरस्कार’ प्रदान गरेका थिए ।