काठमाडौँ — प्रतिनिधिसभाबाट आगामी आर्थिक वर्षको बजेट पारित, १२ औ दिनमा इरान–इजरायलबीच युद्धविराम, रास्वपाद्वारा भिजिट भिसा प्रकरणको अध्ययन र छानबिनका लागि सरकारले गठन गरेको उच्चस्तरीय छानबिन समिति अस्वीकारदेखि जापान, कोरिया तथा युरोपियन मुलुकमा कामदार पठाउने सरकारी तयारीसम्मका खबर आज चर्चामा रहे ।

0000

प्रतिनिधिसभाबाट आगामी आर्थिक वर्षको बजेट पारित भएको छ । प्रतिनिधिसभाको मंगलबारको बैठकमा अर्थमन्त्री विष्णुप्रसाद पौडेलले राखेको विनियोजन विधेयक पारित गरियोस् भन्ने प्रस्ताव बहुमतले पारित भएको हो । अर्थमन्त्री पौडेलले जेठ १५ मा सरकारको आगामी आर्थिक वर्षका लागि १९ खर्ब ६४ अर्ब ११ करोड बराबरको बजेट संघीय संसद्को संयुक्त बैठकमा प्रस्तुत गरेका थिए । 

0000

युद्ध सुरु भएको १२ औ दिनमा इरान–इजरायलबीच युद्धविराम भएको छ ।  इरानले कतारस्थित अमेरिकी बेसक्याम्पमा आक्रमण गरेपछिको परिस्थितिमा यो घटनाक्रम विकास भएको हो । सोमबार साँझ बसेको मन्त्रिपरिषद् बैठकले पूर्व मुख्यसचिव शंकरदास वैरागीको नेतृत्वमा भिजिट भिसा प्रकरणबारे अध्ययन गर्न उच्चस्तरीय छानविन समिति गठन गरेको थियो । त्यसलाई रास्वपाले अस्विकार गरेको छ । प्रतिनिधिसभाको मंगलबारको बैठकमा रास्वपाका उपसभापति स्वर्णिम वाग्लेले गृहमन्त्रीकै प्रस्तावमा गठन गरिएको समितिले निष्पक्ष छानबिन गर्न नसक्ने बताएका छन् ।  

0000

राष्ट्रिय स्वतन्त्र पार्टी (रास्वपा)ले भिजिट भिसा प्रकरणको अध्ययन र छानबिनका लागि सरकारले गठन गरेको उच्चस्तरीय छानबिन समिति अस्वीकार गरेको छ । प्रतिनिधिसभाको मंगलबारको बैठकमा बोल्दै पार्टी उपसभापति डा. स्वर्णिम वाग्लेले यस्तो बताएका हुन्। सोमबार साँझ बसेको मन्त्रिपरिषद् बैठकले पूर्व मुख्यसचिव शंकरदास वैरागीको नेतृत्वमा छानबिन समिति गठन गर्ने निर्णय गरेको थियो ।