काठमाडौँ — एमाले अध्यक्ष तथा सत्तारुढ दलका नेता केपी शर्मा ओलीले कांग्रेसले पटक-पटक धोका दिएको प्रसंग उठाउँदै उनले अस्थिरताको कारण पनि उही भएको बताए ।
प्रधानमन्त्री पुष्पकमल दाहालले राखेको विश्वासको प्रस्तावमाथिको छलफलमा बुधबार प्रतिनिधिसभामा बोल्दै ओलीले गत वर्ष दुई महिनामा सरकार परिवर्तन गरेर अस्थिरताको सुरूवात गरेको उल्लेख गरे ।
'यो प्रतिस्पर्धाको प्रणाली हो । कसैको बुहमत छैन । पोहोर दुई महिनामा सरकार परिवर्तन गर्दा अस्थिरता भएन । अनि अहिले एक वर्षपछि सरकार फेर्दाचाहिँ अस्थिरता ?' बुहमत ल्याएर सरकार नबनाएकोले रुवावासी नगर्न कांग्रेससँग आग्रह गरे ।
ओलीले देशको राजनीति ठीक नरहेको बताए । 'जात पहिचान धर्मका नाममा विद्वेष फैलाउने प्रयास भइरहेको छ' उनले भने,'यो मुलुक कुनै एउटा जाति विशेषको होइन । कुनै धर्म विशेषको र भूगोल विशेषको होइन । यो सम्पूर्ण राज्यको यसले समदृष्टि समभावले हेर्नुपर्छ ।'
