त्रिभुवन विमानस्थलको ट्याक्सी वे र दोस्रो टर्मिनल निर्माणका लागि २ अर्ब २० करोड- समाचार - कान्तिपुर समाचार
कान्तिपुर वेबसाईट
AdvertisementAdvertisement

त्रिभुवन विमानस्थलको ट्याक्सी वे र दोस्रो टर्मिनल निर्माणका लागि २ अर्ब २० करोड

हवाई पूर्वाधार विकासका लागि १२ अर्ब २४ करोड
कान्तिपुर संवाददाता

काठमाडौँ — सरकारले त्रिभुवन अन्तर्राष्ट्रिय विमानस्थलको व्यवस्थापन गर्न ट्याक्सी वे र दोस्रो टर्मिनल भवन निर्माण गर्ने भएको छ । आर्थिक वर्षक ०७९/८०को बजेट प्रस्तुत गर्दै अर्थमन्त्री जनार्दन शर्माले विमानस्थलको ट्याक्सी वे र दोस्रो टर्मिनल निर्माणका लागि २ अर्ब २० करोड विनियोजन गरिएको जानकारी दिएका हुन् ।

यस्तै, आगामी आर्थिक वर्षभित्रमा सरकारले गौतमबुद्ध र पोखरा अन्तर्राष्ट्रिय विमानस्थल पूर्ण रुपमा सञ्चालनमा ल्याउने पनि उनले बताए ।

हवाइ चाप र यात्रुको विश्लेषणको आधारमा गौतमबुद्ध विमानस्थलको दोस्रो टर्मिनल भवन निर्माण कार्य बढाइने, धनगढी विमानस्थललाई स्तरोन्नती गरी क्षेत्रीय विमानस्थलको रुपमा स्तरोन्नती गर्न सम्भाव्यता अध्ययन गरिने र सुर्खेतको रामघाटमा प्रादेशिक विमानस्थल निर्माणको कार्य अघि बढाउने सरकारले घोषणा गरेको छ ।

अर्थमन्त्री शर्माले उदयपुर विमानस्थलको निर्माण कार्य प्रारम्भ गरिने बताउँदै हवाई पूर्वाधार विकासका लागि १२ अर्ब २४ करोड रुपैयाँ छुट्याएको बताए ।

प्रकाशित : जेष्ठ १५, २०७९ १७:३९
प्रतिक्रिया
पठाउनुहोस्

हरेक वडामा महिला सभा आयोजना गरिने

कान्तिपुर संवाददाता

काठमाडौँ — सरकारले महिलाहरुको क्षमता विकास र सशक्तीकरणका लागि हरेक वडामा महिला सभा आयोजना गर्ने भएको छ ।

अर्थमन्त्री जनार्दन शर्माले आइतबार आगामी आर्थिक वर्ष ०७९/८० को बजेट प्रस्तुत गर्दै वडा तहमा महिला अधिकारसम्बन्धी तालिम, सचेतना र नेतृत्व विकासका लागि महिला सभा आयोजना गरिने बताए ।

उनले महिलाहरूको क्षमता विकास, सीप विकास र उद्यम व्यवसायसँग जोड्न विभिन्न कार्यक्रम सञ्चालन गर्ने बताए ।

त्यस्तै, शहरमा लैङ्गिकमैत्री शौचालय निर्माण गर्ने र संघ तथा प्रादेशिक राजधानीहरूमा शिशु स्याहार केन्द्र स्थापना गरिने बताए ।

प्रकाशित : जेष्ठ १५, २०७९ १७:३८
पूरा पढ्नुहोस्
प्रतिक्रिया
पठाउनुहोस्
×