कांग्रेस केन्द्रीय सदस्यमा चित्रलेखा यादव निर्वाचित - समाचार - कान्तिपुर समाचार
कान्तिपुर वेबसाईट
AdvertisementAdvertisement
कांग्रेस महाधिवेशन

कांग्रेस केन्द्रीय सदस्यमा चित्रलेखा यादव निर्वाचित 

कान्तिपुर संवाददाता

काठमाडौँ — कांग्रेस नेतृ चित्रलेखा यादव केन्द्रीय सदस्यमा निर्वाचित भएकी छन् । उनी प्रदेश २ को महिलातर्फ केन्द्रीय सदस्यमा निर्वाचित भएकी हुन् । एक पदका लागि दुई उम्मेदवार थिए । जसमा सभापति शेरबहादुर देउवा समूहकी यादवले २ हजार ७ सय ३१ मत पाइन् भने शेखर कोइराला समूहकी गीता चौधरीले १ हजार ८८५ मत पाइन् । 

प्रदेश २ बाट खुलातर्फ आनन्द ढुंगाना र रमेश रिजाल निर्विरोध निर्वाचित भइसकेका छन् । कांग्रेसको १४ औं महाधिवेशनअन्तर्गत गत सोमबार भएको निर्वाचनको मतगणना भइरहेको छ ।

ललितपुरको सानेपास्थित कांग्रेस केन्द्रीय कार्यालयमा निर्वाचन समितिले मतगणना गरिरहेको छ । शुक्रबारसम्म १३ पदाधिकारीको गणना सकिएपछि अब सदस्यको मतगणना सुरु भएको हो । अब ढिलोमा एक साताभित्र सबै पदको मतपरिणाम आइसक्ने निर्वाचन समितिका संयोजक गोपालकृष्ण घिमिरेले जानकारी दिए ।

कांग्रेसले यसपटक १३ पदाधिकारीसहित १३४ पदमा निर्वाचन गरेको थियो ।

प्रकाशित : पुस २, २०७८ २१:५१
प्रतिक्रिया
पठाउनुहोस्

सालकसहित एक पक्राउ

कान्तिपुर संवाददाता

काठमाडौँ — ज्यूँदो सालकसहित प्रहरीले एकजनालाई पक्राउ गरेको छ । पक्राउ पर्नेमा दोलखा कालिञ्चोक गाउँपालिका–६ घर भई काठमाडौं महानगर–३२ मरुछासपाखा बस्ने २६ वर्षीय उद्धव थामी छन् ।

काठमाडौं मरुछासपाखा क्षेत्रमा प्रतिबन्धित दुर्लभ ज्युँदो सालक अवैध रुपमा बिक्री वितरण गर्न लागेको भन्ने सूचनाको आधारमा बिहीबार महानगरीय अपराध महाशाखा मिनभवनको टोलीले सालकसहित थामीलाई पक्राउ गरेको हो ।

थामीले ३ केजी तौल भएको सालक १ करोड १० लाख रुपैयाँमा बिक्रीका लागि ल्याएको खुलेको महाशाखाका प्रवक्ता एसपी कृष्णप्रसाद कोइरालाले बताए ।

उक्त सालकसहित थामीलाई शुक्रबार जिल्ला वन कार्यालय हात्तिसार पठाइएको छ । दुर्लभ वन्यजन्तुको रुपमा रहेको सालकको आखेटोपहार चोरी तस्करीको क्रम बढ्दो छ । सालक संरक्षणका अभियान गरिँदैआए पनि तस्करीका घटना दोहोरिने गरेका छन् ।

प्रकाशित : पुस २, २०७८ २१:४३
पूरा पढ्नुहोस्
प्रतिक्रिया
पठाउनुहोस्
×