वाग्मती प्रदेश सभापतिमा पौडेल समूहबाट केसी बने साझा उम्मेदवार

केसी नुवाकोटका निवर्तमान सभापति हुन् भने नेता अर्जुननरसिंह केसीका भाइ हुन् । नेता प्रकाशमान सिंहले आफूनिकट राजुराज जोशीलाई सभापतिको उम्मेदवार बनाउन चाहेका थिए । तर, आकांक्षीहरूसहित बसेको बैठकले केसीलाई सभापतिको उम्मेदवार बनाउने गरी सहमति जुटाएको एक नेताले बताए ।

उपसभापतिमा नागार्जुन नगरपालिकाका मेयर मोहन बस्नेत उम्मेदवार बन्ने भएका छन् । त्यस्तै, महामन्त्रीमा कञ्चन वादे श्रेष्ठ र रामचन्द्र अर्याललाई उम्मेदवार बनाउने सहमति जुटेको छ ।

वाग्मती प्रदेशमा सभापति शेरबहादुर देउवा पक्षबाट इन्द्र बानियाँले उम्मेदवारी दिने घोषणा गरेका छन् भने नेता कृष्णप्रसाद सिटौला पक्षबाट भीमसेनदास प्रधानले उम्मेदवारी घोषणा गरिसकेका छन् ।