विवाद भएपछि कांग्रेस रुपन्देही क्षेत्र नम्बर ३ को मतदान स्थगित- समाचार - कान्तिपुर समाचार

विवाद भएपछि कांग्रेस रुपन्देही क्षेत्र नम्बर ३ को मतदान स्थगित

मतदान प्रक्रिया अघि बढाउन देउवा पक्षको माग
माधव ढुंगाना

भैरहवा — मतदानको विषयलाई लिएर दुई पक्षबीच विवाद हुँदा कांग्रेस रुपन्देहीको प्रतिनिधि सभा क्षेत्र नम्बर ३ को मतदान प्रक्रिया स्थगित भएको छ ।


अपरान्ह ५:४५ बाट मतदान प्रक्रिया सुरु भएपछि क्षेत्रीय कमिटीका सभापति पदका उम्मेदवार मातृकाप्रसाद यादवसहितको समूहले मतदान ढिलो भएको भन्दै बहिष्कार गर्दै मतदानस्थलबाट बाहिरिएको थियो । साँझबाट मतदान गर्दा रातिसम्म हुने अबेरसम्म हुने र सुरक्षा हुन नसक्ने जनाउँदै बहिष्कार गरेको हो । उक्त समूह रामचन्द्र पौडेल पक्ष हो ।

बहिष्कार गरेलगत्तै निर्वाचन मण्डलले एक पक्षीयरुपमा मतनदान गराउन उपयुक्त नहुने भन्दै स्थगित गरेको छ । यद्यपि त्यतिन्जेल ५० वटा मत खसिसकेको थियो । देउवा पक्षले भने मतदान प्रक्रिया अघि बढाउन माग गरिरहेको छ । मतदान सुचारु राख्नु पर्ने भन्दै मतदानस्थलमा नाराबाजी जारी छ ।

देउवा पक्षले सोमबार नै मतदान गर्ने भनेर मुचुल्कामा हस्ताक्षर गरेपछि बहिष्कार गरेको आरोप लगाएको छ । प्रमुख निर्वाचन अधिकृत जीवनारायण अधिकारीले एक पक्षले बहिष्कार गरेर गएपछि अनिश्चितकालका लागि निर्वाचन प्रक्रिया रोकिएको बताए । उनले भने, 'निर्वाचनका लागि मुचुल्कामा हस्ताक्षर गरेपछि पनि ढिलो गरी सुरु भयो भनेर एक पक्ष हिँडेपछि हामीले स्थगित गरेका हौं । ' दुवै पक्षले पत्रकार सम्मेलन गरी एकअर्कालाई दोषारोपण गरेका छन् ।

प्रकाशित : मंसिर ६, २०७८ १८:१४
प्रतिक्रिया
पठाउनुहोस्

जाजरकोटमा मह उत्पादन घट्यो

रासस

जाजरकोट — नलगाड नगरपालिका– १ कलपतका रामबहादुर बुढाले गत वर्ष ३५० धार्नी मह बिक्रीबाट चार लाख ५० हजार आम्दानी गरेका थिए । यस वर्ष ५० धार्नी पनि मह उत्पादन नहुँदा उनी अहिले निराश देखिएका छन् ।

सोही ठाउँका कालीबहादुर पुनको पनि ६० घार मौरीले यस वर्ष १० धार्नी मह पनि उत्पादन गर्न सकेन । व्यावसायिक रुपमा मौरीपालन गर्दैआएका उनी आम्दानी घटेपछि अहिले निराश छन् ।

बुढा र पुन: त उदाहरण मात्रै हुन् । अहिले जिल्लाका ३५० भन्दा बढी किसानको समस्या उस्तै छ । व्यावसायिक रुपमा मौरीपालन गर्दैआएका किसान मह उत्पादन घटेको बताउँछन् ।

गत असोज कात्तिक महिनामा भएको वर्षाले चिउरीलगायत अन्य फूलको रस बगाउँदा जिल्लाभर मह उत्पादन घटेको भेरी नगरपालिका कृषि शाखा प्रमुख यज्ञ अधिकारीले बताए ।

मौरीलाई चरन क्षेत्रको अभाव, वन विनाश, अतिक्रमण, जलवायु परिवर्तनलगायत कारण मह उत्पादन घट्दैगएको उनको भनाइ थियो । विभिन्न रोगले मौरी मर्नु, किसानलाई प्राविधिक ज्ञानको कमी हुनु, आहारा नपाएर मौरी भाग्नुलगायत समस्या पनि अर्को कारण मानिन्छ ।

गत वर्ष प्रतिधार्नी १ हजार ५ सय मूल्य पर्ने मह यो वर्ष २ हजार ५ सयदेखि ३ हजारसम्म पुगेको छ । उत्पादन घट्दा मूल्यवृद्धि भएको बताइन्छ । मह उत्पादनका लागि पकेट क्षेत्र मानिएको क्षेत्रका किसानहरू यस वर्ष निराश बनेको बताउँछन् ।

प्रकाशित : मंसिर ६, २०७८ १८:०८
पूरा पढ्नुहोस्
प्रतिक्रिया
पठाउनुहोस्
×