थपिए १ हजार ४२३ कोरोना संक्रमित, २ हजार ७२ संक्रमणमुक्त- समाचार - कान्तिपुर समाचार

थपिए १ हजार ४२३ कोरोना संक्रमित, २ हजार ७२ संक्रमणमुक्त

कान्तिपुर संवाददाता

काठमाडौँ — पछिल्लो २४ घण्टामा १ हजार ४२३ जनामा कोरोना भाइरस संक्रमण देखिएको छ । स्वास्थ्य तथा जनसंख्या मन्त्रालयका अनुसार ११ हजार १११ पीसीआर परीक्षणमा मंगलबार थप १ हजार ४२३ जनामा संक्रमण पुष्टि भएको हो । योसँगै नेपालमा कोरोना संक्रमण हुनेको संख्या ७ लाख ७२ हजार १८२ पुगेको स्वास्थ्य तथा जनसंख्या मन्त्रालयले जनाएको छ ।


यस्तै एन्टिजेन विधिद्वारा गरिएको ३ हजार ९२३ परीक्षणबाट २५४ जनामा पोजिटिभ देखिएको छ । २४ घण्टामा पीसीआर र एन्टिजेन विधिबाट गरिएको १५ हजार ३४ परीक्षणमा १ हजार ६७७ जनामा संक्रमण पुष्टि भएको मन्त्रालयले जनाएको छ ।

पछिल्लो २४ घण्टामा थप २ हजार ७२ जना संक्रमणमुक्त भएका छन् । हालसम्म नेपालमा कोरोनामुक्त हुनेको संख्या ७ लाख ३१ हजार छ ।

नेपालमा कोरोना संक्रमणबाट थप २१ जनाको मृत्यु भएको छ । योसँगै नेपालमा कोरोनाबाट मृत्यु हुने‍को संख्या १० हजार ८७९ पुगेको छ ।

नेपालमा कोरोनाका सक्रिय संक्रमितको संख्या ३० हजार ९७६ रहेको छ ।

प्रकाशित : भाद्र २२, २०७८ १६:२२
प्रतिक्रिया
पठाउनुहोस्

पपुवा न्युगिनीले नेपालको ७ विकेट लियो

कान्तिपुर संवाददाता

काठमाडौँ — एकदिवसीय अन्तर्राष्ट्रिय क्रिकेटमा पपुवा न्यु गिनीले दिएको १३५ रनको लक्ष्य पछ्याएको नेपालको ७ विकेट गएको छ । ताजा अवस्थामा २९ ओभरको समाप्तिमा नेपालले ८३ रन बनाएको छ ।

अहिले क्रिजमा रोहित पौडेल र सोमपाल काम रहेका छन् । नेपालका लागि ओपनरद्वय कुशल भुर्तेल र आसिफ शेखले क्रमश: १५ र ३० रन बनाएर आउट भए । त्यस्तै कप्तान ज्ञानेन्द्र मल्ल ६ रनमै आउट भए ।

आरिफ शेख ९ र शरद भेषावकर ६ रनमा आउट भए । त्यस्तै कुशल मल्ल १ रनमै आउट भए । पवन सर्राफ भने शून्यमै आउट भए ।

यसअघि टस जितेर पहिले ब्याटिङ गरेको पपुवा न्यु गिनीले ३३ ओभरमा सबै विकेट गुमाउँदा १३४ रन बनाएको थियो । नेपालका लागि सन्दीप लामिछानेले सर्वाधिक ४ विकेट लिएका थिए ।

प्रकाशित : भाद्र २२, २०७८ १६:१६
पूरा पढ्नुहोस्
प्रतिक्रिया
पठाउनुहोस्
×