सर्वोच्चको फैसला जनताको जित : प्रवक्ता शर्मा - समाचार - कान्तिपुर समाचार

सर्वोच्चको फैसला जनताको जित : प्रवक्ता शर्मा 

कान्तिपुर संवाददाता

काठमाडौँ — कांग्रेसका प्रवक्ता विश्वप्रकाश शर्माले सर्वोच्च अदालतको फैसला जनताको जित भएको बताएका छन् ।

प्रतिनिधिसभा विघटन गर्ने सरकारको निर्णयलाई सर्वोच्चले मंगलबार बदर गरिदिएपछि प्रवक्ता शर्माले अधिनायक आकांक्षालाई समेत बदर गरेको उल्लेख गरेका छन् । उनले फैसला सुनाउने न्यायाधीशहरुलाई सलाम भनेका छन् ।

प्रवक्ता शर्माले भनेका छन्, 'न्यायमूर्तिहरुलाई लाख लाख सलाम ! संसद् विघटन असंवैधानिक ठहर गर्दै सिंगो देश आन्दोलनमा थियो, फैसलाले विघटनसँगै अधिनायक आकांक्षालाई समेत बदर गरेको छ l संविधान रक्षा गर्दै जनताको जित भएको छ ।'

प्रकाशित : फाल्गुन ११, २०७७ १८:३५
प्रतिक्रिया
पठाउनुहोस्

प्रदेशसभा बैठक बोलाउन कांग्रेसको माग

सन्तोष सिंह

धनुषा — कांग्रेस प्रदेश २ संसदीय दलको बैठकले प्रदेशसभा तत्काल बोलाउन सरकारको ध्यानाकर्षण गर्ने निर्णय गरेको छ ।

प्रदेशसभा बैठक लामो समयदेखि नबस्दा प्रदेशको गतिविधि अगाडि बढ्न नसकेको ठहर गर्दै कांग्रेसले तत्काल बैठक बोलाउने निर्णय गरेको संसदीय दलका सचेतक उपेन्द्र कुशवाहाले बताए ।

मंगलबार संसदीय दलको कार्यालयमा बसेको बैठकले मंगलबार सभामुख सरोजकुमार यादव र मुख्यमन्त्री लालबाबु राउतले भेटेर प्रदेशसभा बैठक बोलाउ आग्रह गर्ने निर्णय गरेको कुशवाहाले बताए । बैठकले तत्कालीन राजापा र समाजवादी पार्टी समायोजन भए पनि प्रदेश सभाबाट दोहरो सुविधा लिएकोमा आपत्ति जनाएको छ । बैठकमा सशर्त बजेट सम्बन्धी कार्यविधिमा समेत आपत्ति जनाइएको छ ।

चोथौं अधिवेशन समाप्त भएको चार महिनादेखि प्रदेश ठप्प छ । कात्तिक ४ गते चौथो अधिवेशन अन्त भएको प्रदेश २ को प्रदेशसभा बैठक पछिल्लो चार महिनायता विजनेस पाएको छैन । प्रदेशसभा बैठक नहुँदा प्रदेश सांसद फर्सदिला बनेका छन् ।

प्रकाशित : फाल्गुन ११, २०७७ १८:३२
पूरा पढ्नुहोस्
प्रतिक्रिया
पठाउनुहोस्
×