१७ दिनपछि भागरथीको अन्त्येष्टि- समाचार - कान्तिपुर समाचार
कान्तिपुर वेबसाईट
AdvertisementAdvertisement

१७ दिनपछि भागरथीको अन्त्येष्टि

तृप्ति शाही

बैतडी — बलात्कारपछि हत्या गरिएकी बैतडीकी किशोरी भागरथी भट्टको शव बुझी परिवारले शुक्रबार महाकाली नदी किनारमा अन्त्येष्टि गरेका छन् । पोस्टमार्टमपछि उनको शव १५ दिनदेखि जिल्ला अस्पताल बैतडीमा थियो ।

माघ २३ गते घटनास्थलबाट शव उठाएर २४ गते पोस्टमार्टम गरिए पनि घटनाका दोषी पत्ता नलागेसम्म शव नबुझ्ने आफन्तको अडान थियो । प्रहरीले बुधबार घटनामा संलग्न रहेको भन्दै भागरथी अध्ययनरत विद्यालयकै ११ मा पढ्ने १६ वर्षका एक किशोरलाई अभियुक्तका रूपमा सार्वजनिक गरेको थियो ।

बिहीबार सरकारी वकिल कार्यालयमा अभियुक्त र उनका बुबालाई सँगै राखेर लिइएको बयानमा किशोरले बलात्कार र हत्या आफैंले गरेको स्विकारेपछि परिवारजनले शव बुझ्ने निर्णय गरेका हुन् । घटना उनी एक्लैबाट सम्भव नहुने भन्दै पीडित परिवारले विधिविज्ञान प्रयोगशालाको प्रतिवेदन आएपछि मात्रै शव बुझ्ने बताउँदै आएका थिए । प्रयोगशालामा पठाइएको मृतकको भजाइनल स्वाब, मुखको स्वाब, योनिबाट निस्किएको रगतको मेडिकल रिपोर्ट आउन बाँकी रहेको जिल्ला प्रहरी प्रमुख डीएसपी नारायणप्रसाद अधिकारीले बताए ।

प्रहरीको प्राविधिक, स्थलगतलगायतका अनुसन्धानबाट उनी नै आरोपित भएको विश्वास लागेपछि शव बुझेको मृतकका काका शिवराज भट्टले बताए । ‘मृतक र अभियुक्त दिनेश भट्ट दुवै हाम्रै हुन् । प्रहरीको अहिलेसम्मको अनुसन्धानबाट ऊ दोषी हो भन्ने प्रमाणित भएपछि शव बुझेर दाहसंस्कार गरेका हौं,’ उनले भने । आरोपितलाई अपराधीका रूपमा सजाय गरेपछि मेडिकल रिपोर्टसहित अन्य तथ्य प्रमाण परिवारलाई विश्वस्त पार्ने खालको हुनुपर्ने माग प्रहरी प्रशासनसँग राख्दै शव बुझिएको उनको भनाइ छ ।

माघ २१ गते भागरथी विद्यालयबाट घर जाने समय भएपछि आफू पनि कक्षा छाडेर गएको अभियुक्तले बयानमा बताएका छन् । बाटोमा ढुकेर बसेका बेला उनी आएपछि धकेलेर सडकबाट तल फालेको, लडेपछि घाँटी च्यापेको र बलात्कार गरेको बयान दिएको प्रहरी स्रोतले बतायो । बलात्कार गरेपछि मृतकले ‘नमार छोडी दे’ भने पनि घर गएर अरूलाई भन्ने डरले फेरि घाँटी थिचेर मारेको र त्यहाँबाट घरतर्फ हिँडेको पनि अभियुक्तले बयान दिएका छन् ।

अभियुक्त सार्वजनिक गरेसँगै प्रहरीले बुधबार जिल्ला अदालतबाट ५ दिनको म्याद थपेर अनुसन्धान गरिरहेको छ । दोगडाकेदार गाउँपालिका–७ चडेपानीकी भागरथी सनातन धर्म माविमा कक्षा १२ मा पढ्थिन् ।

प्रकाशित : फाल्गुन ८, २०७७ ०७:५२
प्रतिक्रिया
पठाउनुहोस्

उल्भ्सको भाग्यमानी जित

एजेन्सी

लन्डन — उल्भ्सले इंग्लिस प्रिमियर लिगमा शुक्रबार लिड्स युनाइटेडमाथि १–० को भाग्यमानी जित निकालेको छ । इलान मेसलरको आत्मघाती गोलमा उल्भ्स ६४ औं मिनेटमा अगाडि रहेको थियो ।


खेलको अन्त्यतिर प्याट्रिक बामफोर्डले लिड्सका लागि गरेको गोललाई मान्यता दिइएको थिएन् । यो जितपछि उल्भ्सको ३३ अंक भएको छ र ११ औं स्थानमा रहेको छ।

लिगमा खराब प्रदर्शनबाट गुज्रेको उल्भ्स अहिले लयमा फर्कने प्रयासमा छ र यसैक्रममा यो जित निकाल्न सफल रहेको हो । लिड्स भने ३२ अंकमा सीमित रहेर १२ औं स्थानमा झर्‍यो ।

बेटिस र फियोरेन्टिना विजयी

युरोपका अन्य लिगमध्ये शुक्रबारका खेलमा स्पेनी ला लिगामा रियल बेटिसले गेटाफेलाई १–० ले हरायो भने इटालीको सिरी ए मा फियोरेन्टिनाले स्पेजियालाई ३–० ले पन्छायो ।

प्रकाशित : फाल्गुन ८, २०७७ ०७:४१
पूरा पढ्नुहोस्
प्रतिक्रिया
पठाउनुहोस्
×