कलाकार हरिवंश आचार्य दम्पतीलाई कोरोना संक्रमण- समाचार - कान्तिपुर समाचार
कान्तिपुर वेबसाईट
AdvertisementAdvertisement

कलाकार हरिवंश आचार्य दम्पतीलाई कोरोना संक्रमण

कान्तिपुर संवाददाता

काठमाडौँ — कलाकार हरिवंश आचार्य दम्पतीलाई कोभिड-१९ पोजिटिभ देखिएको छ । आचार्यले आफूहरुलाई कोरोना संक्रमण पुष्टि भएको मंगलबार सामाजिक सञ्जालमार्फत् जानकारी गराएका छन् ।

सोमबार आचार्य र उनकी श्रीमती रमिला दुवैले कोरोना परीक्षण गराएका थिए । आचार्यले आफूहरु दुवैको स्वास्थ्य अवस्था सामान्य भएको पनि बताएका छन् । उनले आफूहरुसँग सम्पर्कमा रहेका सबैलाई होम आइसोलेसनमा बस्न आग्रह गरेका छन् ।

आचार्यले कोरोना संक्रमण व्यापक रुपमा फैलिएको भन्दै जनस्वास्थ्यका मापदण्ड अनिवार्य रुपमा अवलम्बन गर्न सबैलाई आग्रह गरेका छन् ।

प्रकाशित : आश्विन २०, २०७७ १७:२९
प्रतिक्रिया
पठाउनुहोस्

धरानमा सवारी दुर्घटनामा १ को मृत्यु

कान्तिपुर संवाददाता

सुनसरी — सुनसरीको धरानमा सवारी दुर्घटना हुँदा मंगलबार एक युवकको मृत्यु भएको छ । प्रहरीकाअनुसार धरान १५ बाझगरास्थित त्रिवेणी मार्गमा स्कुटर र मिनी ट्र्याक्टर एकआपसमा ठोकिँदा धरान १४ पिण्डेश्वरका २५ वर्षीय गोकुल तामाङको मृत्यु भएको हो ।

तामाङका साथी सुस्मन मैनालीले को ३० प १२९६ नम्बरको स्कुटर चलाएका थिए भने मृतक स्कुटर पछाडि बसेका थिए । अचानक को १ च ८८०१ नम्बरको मिनी ट्रयाक्टरसँग स्कुटर ठोक्किएपछि सख्त घाइते बनेका तामाङलाई उपचारका लागि बीपी कोइराला स्वास्थ्य विज्ञान प्रतिष्ठानमा लैजाने क्रममा बाटैमा मृत्यु भएको प्रहरीले जनाएको छ ।

स्कुटर चालक मैनाली सामान्य घाइते भएका छन् । प्रहरीले मिनी ट्याक्टर चालक तुलसी बिकलाई नियन्त्रणमा लिएको छ ।

प्रकाशित : आश्विन २०, २०७७ १७:२३
पूरा पढ्नुहोस्
प्रतिक्रिया
पठाउनुहोस्
×