२४ घन्टामा १२ सय ४ जनामा कोरोना संक्रमण, संक्रमितको संख्या ६२ हजार ७ सय ९७ - समाचार - कान्तिपुर समाचार
कान्तिपुर वेबसाईट
AdvertisementAdvertisement

२४ घन्टामा १२ सय ४ जनामा कोरोना संक्रमण, संक्रमितको संख्या ६२ हजार ७ सय ९७ 

कान्तिपुर संवाददाता

काठमाडौँ — नेपालमा पछिल्लो २४ घन्टामा थप १२ सय ४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयको नियमित प्रेस ब्रिफिङका क्रममा शनिबार प्रवक्ता डा जागेश्वर गौतमका अनुसार नयाँ थपिएका कोरोनाका संक्रमितसँगै नेपालमा कोरोना संक्रमितको संख्या ६२ हजार ७ सय ९७ पुगेको छ ।

यसैगरी पछिल्लो २४ घन्टामा कोरोनामुक्त भएर १४ सय ४७ जना डिस्चार्ज भएका छन् । यो सँगै नेपालमा हालसम्म कोरोनामुक्त हुनेको संख्या ४५ हजार २ सय ६७ जना पुगेको छ ।

२४ घन्टामा १० हजार ३ सय ३३ पीसीआर परीक्षण भएका छन् । थप ११ जनाको कोरोना संक्रमणबाट मृत्यु भएको मन्त्रालयले जनाएको छ ।

मन्त्रालयका अनुसार हालसम्म पीसीआर विधिबाट ९ लाख ४ हजार ७०६ परीक्षणहरु गरिएका छन् । हालसम्म क्वारेन्टाइनमा रहनेको संख्या ७ हजार ७३५ जना रहेका छन् । त्यसैगरी सक्रिय संक्रमितको संख्या १७ हजार १२९ जना रहेको छ ।





प्रकाशित : आश्विन ३, २०७७ १६:२६
प्रतिक्रिया
पठाउनुहोस्

भेरीमा ७२ बेडको कोरोना अस्पताल सुरु भएपछि खजुरामा सेवा बन्द

रुपा गहतराज

नेपालगन्ज — बाँकेको खजुरास्थित सुशील कोइराला प्रखर क्यान्सर अस्पतालमा रहेको कोरोना विशेष आइसोलेसन अस्पताल शनिबारदेखि बन्द गरिएको छ । 

नेपालगन्जको भेरी अस्पतालमा ७२ बेडको कोरोना विशेष अस्पताल सञ्चालनमा आएपछि खजुराको सेवा बन्द गरिएको हो ।

सुशील कोइराला प्रखर क्यान्सर अस्पताल व्यवस्थापन समिति अध्यक्ष भक्तबहादुर केसीले क्यान्सर अस्पतालबाट कोरोना विशेष आइसोलेसन सेन्टर हटाइएको जानकारी दिए । उनले कोरोना महामारीका क्यान्सरका बिरामीलाई उपचार गर्ने उद्देश्यले आइसोलेसन सेन्टर बन्द गरिएको बताए ।

५ नम्बर प्रदेश सरकारले क्यान्सर अस्पताल खजुरालाई गत वैशाखदेखि कोरोना विशेष आइसोलेसन अस्पताल घोषणा गरेको थियो । त्यहाँ २ बेड भेन्टिलेटर, ६ बेड आईसीयूसहित ५० बेड कोरोना संक्रमितलाई छुट्याइएको थियो ।

सुशील कोइराला प्रखर क्यान्सर अस्पताल खजुरामा बैशाख १९ गते बाँकेका पहिलो कोरोना संक्रमित ६० वर्षीय पुरुषलाई आइसोलेसन सेन्टरमा राखेर दिइएको सेवा शनिबारसम्म आइपुग्दा १ सय ९७ मा पुगेको छ ।

प्रकाशित : आश्विन ३, २०७७ १६:११
पूरा पढ्नुहोस्
प्रतिक्रिया
पठाउनुहोस्
×