बझाङ — कोरोना संक्रमणबाट बझाङमा एक जनाको मृत्यु भएको छ । बुङ्गल नगरपालिका वडा नं ३, का ६५ वर्षीय पुरुषको मृत्यु कोरोना संक्रमणको कारण भएको स्वास्थ्य कार्यालय बझाङले जनाएको छ ।

साउन ९ गते नै मृत्यु भए पनि उनमा कोरोना संक्रमण भएको पुष्टि भने १२ गते मात्रै भएको हो । गत असार २४ गते भारतको बेङ्लोरबाट आएका मृतक पुरुष १४ दिन क्वारेन्टाइनमा बसेर असार ६ गते मात्रै घर फर्किएको जिल्ला स्वास्थ्य कार्यालयका कोरोना फोकल पर्सन नारायण जोशीले बताए ।

क्वारेन्टाइनमा रहँदा स्वास्थ्य अवस्था सामान्य रहेकोले उनको स्वास्थ्य परीक्षण गरिएको थिएन । ‘आठ गतेसम्म पनि उनलाई कुनै पनि लक्षण देखिएको थिएन, फोकल पर्सन जोशीले भने ‘९ गते एक्कासि सास फेर्न गाह्रो भएर मृत्यु भएको हो ।’