ललिता निवास जग्‍गा प्रकरणबारे तत्कालीन् राज्यमन्त्री संजयकुमार साहको बयान- समाचार - कान्तिपुर समाचार
कान्तिपुर वेबसाईट
AdvertisementAdvertisement

ललिता निवास जग्‍गा प्रकरणबारे तत्कालीन् राज्यमन्त्री संजयकुमार साहको बयान

कान्तिपुर संवाददाता

काठमाडौँ — ललिता निवास जग्‍गा प्रकरणबारे तत्कालीन् राज्यमन्त्री संजय कुमार साहको बयानः

म २०६६ सालमा राज्यमन्त्री भएको हो। मन्त्रिपरिषद्‍बाट निर्णय भई कार्यान्वयनको चरणमा रहेको जग्गाको विषयमा मानवीय त्रुटि तथा भुलवश भएको गल्ती सच्याउने भनी उप-प्रधानमन्त्री समक्ष मन्त्रिपरिषद्‍मा पेश गर्न उप-प्रधानमन्त्रीज्यू बाट निर्णय हुनको लागि उप-प्रधानमन्त्री समक्ष तत्कालीन सचिवले किटान राय सहित म समक्ष पेश गरेकोमा मेरो कुनै आफ्नो राय नराखी उप- प्रधानमन्त्री समक्ष उक्त फायल प्रक्रिया बमोजिम पठाईदिएको हो ।


उक्त मिसिलमा मिति २०६७।३।२७ मा राज्य-मन्त्रीको हैसियतले गरेको हस्ताक्षर मेरो हो । यस सम्बन्धमा मुख्य निर्णय पहिले नै भइसकेकोले सो निर्णय सच्याउनको लागि सचिवले राय सहित पेश गरेकोले आफूले कुनै निर्णय राय नदिई उप-प्रधानमन्त्री समक्ष उक्त फायल पेश गरिदिएको हो।


सुरूको निर्णय प्रकृया बारेमा मलाई केही जानकारी आएको थिएन मेरो कुनै संलग्नता पनि छैन।


प्रकाशित : माघ २३, २०७६ २२:०३
प्रतिक्रिया
पठाउनुहोस्

ललिता निवास जग्‍गामा विजयकुमार गच्छदारले के बयान दिएका थिए ?

कृष्ण ज्ञवाली

काठमाडौँ — ललिता निवास जग्‍गा प्रकरणबारे तत्कालीन् उपप्रधानमन्त्री तथा विभागीय मन्त्री विजयकुमार गच्छदारको बयानः

म २०४८ सालपछि पटक-पटक विभिन्न मन्त्रालय हुँदै ४/५ पटक भौतिक योजना तथा निर्माण मन्त्रालयमा विभागीय मन्त्रीको हैसियतमा थिएँ।

तत्कालीन भौतिक योजना तथा निर्माण मन्त्रालयबाट भएका निर्णयहरूका सम्बन्धमा २०६५/२०६६ सालमा तयार भएको गुरुयोजना कार्यान्वयन गर्न प्रधानमन्त्रीको निर्देशनअनुसार मन्त्रिपरिषद्‍मा प्रस्ताव पठाउँदा गरेको हस्ताक्षर मेरो हो।

विशिष्ट व्यक्तिहरूको निवास विस्तार गर्ने सम्बन्धमा तयार भएको गुरुयोजना लागू गर्नको लागि मेरो मन्त्रालयको सचिवले तयार गरी म समक्ष पेश गरेको प्रस्ताव मन्त्रिपरिषद्‍मा लैजानको लागि मैले स्वीकृति दिएको हुँ ।

प्रकाशित : माघ २३, २०७६ २२:०१
पूरा पढ्नुहोस्
प्रतिक्रिया
पठाउनुहोस्
×