गत वर्षको तुलनामा यस वर्ष ८४ प्रतिशत भन्दा बढी सवारी बिक्री भएको कम्पनीले जनाएको छ ।
काठमाडौँ — लिपमोटरले अक्टोबर २०२५ मा ७० हजार २८९ युनिटभन्दा बढी सवारी बिक्री गरेको जनाएको छ । यो तथ्यांकले गत वर्षको तुलनामा ८४ प्रतिशत भन्दा बढी वृद्धि भएको कम्पनीले जनाएको छ ।
'लिपमोटरलाई चीनको अग्रणी नयाँ ऊर्जा सवारी स्टार्टअपको रूपमा अझ सुदृढ बनाएको छ,' कम्पनीद्वारा जारी विज्ञप्तीमा भनिएको छ, 'यो उपलब्धिले २०२५ मा लगातार आठ महिनाको शीर्ष बिक्री प्रदर्शनलाई पछ्याएकोछ। '
बिक्री रेकर्डले लिपमोटरको नवप्रवर्तन, गुणस्तर र दिगो गतिशीलताप्रति प्रतिबद्धतालाई झल्काउने कम्पनीले जनाएको छ ।
'लिपमोटरले नेपाल सहित विश्वव्यापी बजारहरूमा उन्नत र उच्च-प्रदर्शका विद्युतीय सवारी साधनहरू निरन्तर उपलब्ध गराउँदै आइरहेको छ,' विज्ञप्तीमा भनिएको छ, 'यसले दिगो गतिशीलताका दिशामा विश्वव्यापी परिवर्तनलाई सहयोग पुर्याउँदै विद्युतीय यातायातको भविष्यलाई अगाडि बढाइरहेको छ।'
