काठमाडौँ — राष्ट्रिय श्रम तथा रोजगार सम्मेलन-२०८१ मा सामाजिक सुरक्षा कोष र ७ वटा निजी क्षेत्रका छाता संगठनबीच सामाजिक सुरक्षा कोषमा आबद्ध हुनेसम्बन्धी समझदारी पत्रमा हस्ताक्षर भएको छ । कोषका अनुसार ६ वर्षको अवधिमा २० लाख मानिस सामाजिक सुरक्षा कोषमा आबद्ध भइसकेका छन् भने साढे पाँच लाख औपचारिक क्षेत्रमा श्रमिकहरू आबद्ध छन् । 

होम नेट नेपाल,  नाडा अटोमोबाइल्स एसोसियन अफ नेपाल, होम इन्टरप्राइजेज नेपाल, गार्मेन्ट एसोसियसन अफ नेपाल,  ग्रील तथा स्टिल व्यवसायी महासंघ, नेपाल वैदेशिक रोजगार अभिमुखीकरण व्यवसायी महासंघ, नेपाल वैदेशिक रोजगारी व्यवसायी संघबीच समझदारीपत्रमा हस्ताक्षर भएको हो । 

सम्मेलनको पहिलो दिन सरकार र विभिन्न १० वटा निजी क्षेत्रका छाता संगठनबीच युवा जनशक्तिलाई रोजगार सिर्जना र तालिम प्रदानका लागि समझदारीपत्रमा हस्ताक्षर भएको थियो ।