बुटवल — कोरोना विशेष अस्पताल बुटवलमा उपचाररत थप एकजना कोरोना संक्रमितको मृत्यु भएको छ । दाङकाे तुलसीपुर उपमहानगरपालिका–५ का ५५ वर्षीय महिलाको आज बिहान साढे ८ बजे मृत्यु भएको हो ।
लुम्बिनी प्रादेशिक अस्पतालका सूचना अधिकारी डा. विष्णु गौतमका अनुसार ती महिलाको मंसिर ११ गते दाङमा पीसीआर परीक्षणमा कोरोना संक्रमण पुष्टि भएको थियो । श्वासप्रश्वासमा समस्या भएपछि उनलाई मंसिर १४ गते बुटवल ल्याइएको थियो ।
