बुटवल उपमहानगरमा कांग्रेसलाई पछ्याउँदै राप्रपा, तेस्रोमा एमाले- स्थानीय तह निर्वाचन २०७९ - कान्तिपुर समाचार

बुटवल उपमहानगरमा कांग्रेसलाई पछ्याउँदै राप्रपा, तेस्रोमा एमाले

कान्तिपुर संवाददाता

बुटवल — रुपन्देहीको बुटबल उपमहानगरपालिकामा सत्तारुढ गठबन्धनबाट मेयरका उम्मेदवार बनेका कांग्रेसका खेलराज पाण्डेयले अग्रता लिएका छन् ।

मेयरमा कांग्रेसका खेलारज पाण्डेयले पाँच सय मत प्राप्त गरेका छन् । राप्रपाका मृगेन्द्रकुमार शेरचलन दोस्रो नम्बरमा रहकेा छन् । उनले २ सय ५६ मत प्राप्त गरेका छन् ।

एमालेका बाबुराम भट्टराई भने तेस्रो नम्बरमा रहेका छन् । हालसम्मको मतपरिणामअनुसार भट्टराईले २ सय १ मत प्राप्त गरेका छन् ।

उपमेयरतर्फ राप्रपाले अग्रता लिएको छ । राप्रपाकी भवगती पाण्डेले २ सय ८५ मत प्राप्त गर्दा एमालेका सावित्रादेवी अर्यालले २ सय ४३ मत प्राप्त गरेकी छन् । गठबन्धनबाट नेकपा (एकीकृत समाजवादी) का चीनबहादुर गुरुङ भने तेस्रो नम्बरमा रहेका छन् । उनले २ सय ३ मत प्राप्त गरेका छन् । मतगणना कार्य जारी रहेको छ ।

प्रकाशित : वैशाख ३१, २०७९ १२:५९
प्रतिक्रिया
पठाउनुहोस्

गोरखा नगरपालिका–१ अध्यक्षमा कांग्रेसका कुंवर विजयी

हरिराम उप्रेती

गोरखा — गोरखा नगरपालिका–१ को वडा अध्यक्षमा हिक्मत बहादुर कुंवर विजयी भएका छन् । कुंवरले ४ सय ९२ मत प्राप्त गरे । वडा नं १ मा कुंवरसहितको कांग्रेसको प्यानल नै विजयी बनेको हो ।

उनका निकटतम प्रतिद्धन्द्धी माओवादी केन्द्रका वडा अध्यक्षका उमेदवार गोन्विन्द प्रसाद भट्टराईले तीन सय ७१ मत प्राप्त गरेका थिए ।

वडा नम्बर १ को मतगणनामा मेयर र उपमेयरमा कांग्रेस उम्मेदवारले अग्रता लिएका छन् । वडा नम्बर १ मा एक हजार दुइ सय १२ मत खसेको थियो ।


प्रकाशित : वैशाख ३१, २०७९ १२:५३
पूरा पढ्नुहोस्
प्रतिक्रिया
पठाउनुहोस्
×