गोरखा — गोरखाको चुमनुब्रीमा पहिरोमा पुरिएर एक वृद्व बेपत्ता भएका छन् । चुमनुब्री गाउँपालिका–३ सिर्दिवासका ७६ वर्षीय कान्छा गुरुङ पहिरोमा पुरिएर बेपत्ता भएको जिल्ला प्रहरी कार्यालय गोरखाका प्रहरी प्रमुख एसपी सुरेन्द्र गुरुङले बताए ।
‘उहाँ गोठमा सुत्नुभएको रहेछ, राति गएको पहिरोमा परी बेपत्ता हुनुहुन्छ,’ एसपी गुरुङले भने । सिर्दिवास प्रहरी चौकीबाट गएको टोलीले स्थानीयको सहयोगमा बेपत्ताको खोजी गरिरहेको उनले बताए ।
