नेपाली सेनाको व्यवस्थापनमा निर्माण थालिएको द्रुतमार्गको निर्माण प्रगति ४८ प्रतिशत छ ।
काठमाडौँ — काठमाडौं तराई मधेश द्रुतमार्ग (फास्ट ट्र्याक) मा आगामी वर्षमा ४० वटा पुल र ५.४ किमिको सुरुङ निर्माण सम्पन्न हुने अर्थमन्त्री स्वर्णिम वाग्लेले बताएका छन् ।
यस आयोजनाका लागि आगामी आर्थिक वर्षका लागि १७ अर्ब ६४ करोड रुपैयाँ विनियोजन गरिएको छ । चालु आवमा यसका लागि २४ अर्ब ४९ करोड रुपैयाँ विनियोजन गरिएको छ ।
२०७४ जेठमा नेपाली सेनाको व्यवस्थापनमा निर्माण थालिएको द्रुतमार्गको निर्माण प्रगति ४८ प्रतिशत र समयावधि २०८३ चैत सम्म छ ।
