आयोजनाको मुआब्जा वितरण लगायतमा सरकारले ४६ अर्ब रुपैयाँ खर्च गरिसकेको छ ।
काठमाडौँ — सरकारले १२ सय मेगावाटको बुढीगण्डकी जलविद्युत् आयोजना अधिकार सम्पन्न प्राधिकरण मोडलमा निर्माण कार्य अघि बढाउने भएको छ ।
अर्थमन्त्री स्वर्णिम वाग्लेले बजेट प्रस्तुतिका क्रममा यस्तो बताएका हुन् । चालु आर्थिक वर्षको बजेट ल्याउँदै तत्कालीन अर्थमन्त्री विष्णु पौडेलले १२ सय मेगावाटको बुढीगण्डकी जलविद्युत् आयोजना सार्वजनिक–निजी–साझेदारी (पीपीपी) मोडलमा बनाइने बताएका थिए । आयोजनाको मुआब्जा वितरण लगायतमा सरकारले ४६ अर्ब रुपैयाँ खर्च गरिसकेको छ ।
प्रवर्द्धक कम्पनीले आयोजनाको लगानी मोडालिटी टुंगिएसँगै निर्माणपूर्वको काम अघि बढाइसकेको छ ।
