विद्युतीय भुक्तानी व्यवस्थित र प्रभावकारी बनाइने

सार्वजनिक सेवा प्रवाह हुने मुख्य कार्यालयहरूमा विद्युतीय भुक्तानीका उपकरणहरूको प्रयोग गरी राजस्व संकलन गर्ने कार्यका लागि राष्ट्र बैंकले सहजिकरण गर्ने चालु आर्थिक वर्षको मौद्रिक नीतिमार्फत जनाएको छ । त्यस्तै, सूचना प्रविधि लगायत सेवा निर्यात गरे बापतको विदेशी मुद्रा विद्युतीय माध्यमबाट भित्र्याउने व्यवस्थालाई पनि थप प्रभावकारी बनाइने उल्लेख छ । राष्ट्र बैंकले यस विषयमा निर्देशनसमेत जारी गरेको थियो ।

‘भुक्तानी सेवा प्रदायकबाट विद्युतीय उपकरणहरूको व्यवस्थाका लागि आवश्यक समन्वय र सहजिकरण भइरहेको छ,’ मौद्रिक नीतिमा भनिएको छ, ‘विद्युतीय भुक्तानीमा आबद्ध संस्थाहरूले गर्ने कारोबारको राफसाफ कार्यलाई प्रिन्सिपल्स फर फाइनान्सियल मार्केट इन्फ्रास्ट्रक्चरसँग सामञ्जस्य हुने गरीका यस बैंकको प्रणालीमार्फ फछ्यौट हुने व्यवस्था मिलाइनेछ ।’