चुईगम, चकलेटदेखि फलफूल र गेडागुडीसम्म अन्तःशुल्क बढ्यो
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — सरकारले विभिन्न वस्तुको अन्तःशुल्क बढाएको छ । आर्थिक विधेयक २०७९ मार्फत् विभिन्न आयातित वस्तुहरूमा अन्तःशुल्क बढाएको हो ।
![](https://assets-cdn.ekantipur.com/uploads/source/ads/900x100-1172024092759.gif)
![चुईगम, चकलेटदेखि फलफूल र गेडागुडीसम्म अन्तःशुल्क बढ्यो](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/money-finance/chewing-1-3052022015306-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
पिउने पानी र सबै प्रकारका माछामा १० प्रतिशत अन्तःशुल्क लाग्ने व्यवस्था राखिएको छ । आरु, पैयुँ आयातमा अन्त:शुल्क १० प्रतिशतबाट बढाएर १५ प्रतिशत पुर्याइएको छ । ससेज, मासुजन्य वस्तुमा १० प्रतिशत अन्तःशुल्क लाग्दै आएको १५ प्रतशित पुर्याइएको छ । त्यस्तै, चुईगममा १० प्रतिशत अन्तःशुल्क लाग्ने गरेकोमा १५ प्रतिशत पुर्याइएको छ । क्रिस्प ब्रेड, जिन्जर ब्रेड, केक, टोस्ट, पेस्ट्री, कुकिज र बिस्कुटहरू, चकलेट र कोको मिसाईएका अन्य खाद्य वस्तुको अन्तःशुल्क ५ प्रतिशतबाट १५ प्रतिशत भएको छ ।
च्याउ, काँक्रो र गोलभेडा, फ्रेन्चफ्राइज र आलु चिप्स, केराउ, बोडी, सिमी, कुरिलो, जैतुनजस्ता गेडागुडीमा १० प्रतिशत रहेकोमा बढाएर १५ प्रतिशत पुर्याइएको छ । त्यसैगरी, बदाम, मम्फली, भुटेको चना, भुटेको काजु, पेस्ता, भुँइकटहर, अमिला फलफूल, नास्पाती, खुर्पानी, पैयुँ, आरु, स्ट्रबेरीजस्ता फलफलको अन्तःशुल्क ५ प्रतिशतबाट १५ प्रतिशत पुर्याइएको छ ।
बाँस, बैस, निगालो र पानको पातमा १० प्रतिशत अन्तःशुल्क लगाइएको छ । सुँगुरको मासुजन्य पदार्थमा १० प्रतिशतबाट १५ प्रतिशत बनाइएको छ । पर्फ्युम, नङ पालिस, लिपस्टिक, सन्स्क्रिमजस्ता मेकअपका सामान, स्याम्पु, मेहन्दीजस्ता वस्तुमा ५ प्रतिशतबाट १५ प्रतिशत पुर्याइएको छ । काठमा ५ प्रतशित अन्तःशुल्क लगाइएको छ । काठका फल्याक, प्लाइउड, चिरेको काठ, काठका गोलियामा १० प्रतिशत अन्तःशुल्क लगाइएको छ ।
मोटरको पिकआवर २ सय किलोवाटभन्दा बढी भएको तर ३ सय किलोवाट ननाँघेका जीप र भ्यानका लागि ४५ प्रतिशत र पिकपावर ३ सय मेगावाटभन्दा बढी भएका कार, जीप, भ्यानका लागि ६० प्रतिशत अन्तःशुल्क तोकिएको छ ।
![](https://assets-cdn.ekantipur.com/uploads/source/ads/900-x-100-0172024023126.gif)