बिमा कम्पनीमार्फत् स्वास्थ्य बिमा सञ्चालनको तयारी- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement
बजेट २०७९/०८०

बिमा कम्पनीमार्फत् स्वास्थ्य बिमा सञ्चालनको तयारी

कान्तिपुर संवाददाता

काठमाडौँ — सरकारले आगामी वर्षदेखि स्वास्थ्य बिमा कार्यक्रम पनि बिमा कम्पनीमार्फत गर्ने तयारी गरेको छ । हाल स्वास्थ्य बिमा बोर्डमार्फत यो कार्यक्रम सञ्चालन भइरहेको छ ।

उक्त कार्यक्रम बिमा कम्पनीमार्फत सञ्चालनका लागि आवश्यक तयारी गर्ने अर्थमन्त्री जनार्दन शर्माले घोषणा गरेका हुन् ।

आइतबार संसद्‍ बैठकमा आगामी वर्षको बजेट पेस गर्दै अर्थमन्त्री शर्माले यस्तो बताएका हुन् । सरकारले स्वास्थ्य बिमाका लागि ७ अर्ब ५० करोड रकम बिनियोजन गरेको छ ।

यस्तै मिर्गौला प्रत्यारोपण गराएका र डायलासिस गराइरहेका व्यक्तिहरू, सबै किसिमका क्यान्सर रोगी र मेरुदण्ड पक्षघात भएका बिरामीहरूलाई औषधि उपचारका लागि मासिक ५ हजारका दरले उपलब्ध गराउन सरकारले १ अर्ब ५० करोड रुपैयाँ विनियोजन गरेको छ ।

प्रकाशित : जेष्ठ १५, २०७९ १७:१६
प्रतिक्रिया
पठाउनुहोस्

२५ जिल्लाका सुत्केरीलाई पाँच हजार रुपैयाँ भत्ता

कान्तिपुर संवाददाता

काठमाडौँ — सरकारले आगामी वर्षदेखि मानव विकास सूचकांकमा पछि परेका २५ जिल्लाका सुत्केरीलाई पाँच हजार रुपैयाँ सुत्केरी भत्ता दिने भएको छ ।

अर्थमन्त्री जनार्दन शर्माले आगामी आर्थिक वर्ष ०७९/८० को बजेट प्रस्तुत गर्दै २५ जिल्लाका सुत्केरीलाई पाँच हजार रुपैयाँ सुत्केरी भत्ता दिने घोषणा गरेका हुन् ।

उनले मानव विकास सूचकांकमा पछि परेका २५ जिल्लाका सुत्केरीलाई एकमुस्टरुपमा पाँच हजार रुपैयाँ पोषणभत्ता उपलब्ध गराउने बताए । त्यस्तै अर्थमन्त्री शर्माले प्रसूती सेवा उपलब्ध गराई आमा सुरक्षा कार्यक्रममा रकम वृद्धि गर्ने घोषणा गरे ।

प्रकाशित : जेष्ठ १५, २०७९ १७:१६
पूरा पढ्नुहोस्
प्रतिक्रिया
पठाउनुहोस्
×