काठमाडौँ — बागमती प्रदेशका मुख्यमन्त्री इन्द्रबहादुर बानियाँले प्रदेश सरकार अझै बन्न नसकेको बताएका छन्। संघीयता लागू भएको आठ वर्ष भइसके पनि प्रदेशले वास्तविक सरकारको हैसियत पाउन नसकेको उनले दाबी गरेका छन्।

‘संविधानले केन्द्र सरकार, प्रदेश सरकार र स्थानीय सरकार भन्ने व्यवस्था गरेको छ। स्थानीय सरकार छ। केन्द्र सरकार छ। तर प्रदेश संरचना छ, प्रदेश सरकार छैन,’ कान्तिपुर कन्क्लेभको संघीयता: संरचना मात्र कि संवाहक पनि ? सत्रमा उनले भने।

उनले थप, ‘सरकार हुनको लागि प्रहरी चाहिन्छ, निजामती कर्मचारी चाहिन्छ, भूगोलको अधिकार चाहिन्छ, भूमिसम्बन्धी अधिकार चाहिन्छ, वनसम्बन्धी अधिकार चाहिन्छ। यी मध्ये कुनै अधिकार प्रदेश सरकारसँग छैन। त्यस कारण यो प्रदेश सरकार होइन, प्रदेश संरचना मात्रै हो।’