अमेरिका र इजरायल असन्तुष्ट, दिए कडा प्रतिक्रिया
What you should know
काठमाडौँ — फ्रान्सले प्यालेस्टाइनलाई स्वतन्त्र राष्ट्रको मान्यता दिने घोषणा गरेको छ । फ्रान्सका राष्ट्रपति इम्मानुएल म्याक्रोंले यसै वर्षको सेप्टेम्बरमा औपचारिक रूपमा प्यालेस्टाइनलाई स्वतन्त्र मुलुकको मान्यता दिने बताएका हुन् ।
यसको औपचारिक घोषणा न्युयोर्कमा हुने संयुक्त राष्ट्र संघको महासभामा गर्ने राष्ट्रपति म्याक्रोंको भनाइ छ । 'आजको सबैभन्दा ठूलो आवश्यकता गाजामा युद्ध अन्त्य र त्यहाँका नागरिक बचाउनु नै हो । शान्ति सम्भव छ । हामी तत्काल युद्धविराम, सबै बन्धकको रिहाए र गाजामा ठूलो परिमाणमा मानवीय सहायता पुर्याउनु छ,' उनले एक्समा भनेका छन् ।
म्याक्रोंको घोषणाको प्यालेस्टिनी अधिकारीहरूले स्वागत गरिसकेका छन् । तर इजरायली प्रधानमन्त्री बेन्यामिन नेतान्याहुले भने कडा आलोचना गरेका छन् । उनले फ्रान्सको घोषणा 'आतंकवादलाई पुरस्कार दिनु जस्तो हो ।' म्याक्रोंले भने मध्यपूर्वमा न्यायपूर्ण र स्थायी शान्तिप्रति फ्रान्स प्रतिबद्ध रहेको जनाउँदै उनले भनेका छन्, 'यसैलाई आधार बनाएर फ्रान्सले प्यालेस्टाइनलाई एक राष्ट्रका रूपमा मान्यता दिनेछ ।'
Consistent with its historic commitment to a just and lasting peace in the Middle East, I have decided that France will recognize the State of Palestine.
I will make this solemn announcement before the United Nations General Assembly this coming September.… pic.twitter.com/VTSVGVH41I
अमेरिकाले म्याक्रोंको घोषणामा प्रतिक्रिया दिइसकेको छ । अमेरिकी विदेशमन्त्री मार्को रुबियोले यसले केवल हमास समूहको प्रोपोगान्डालाई बढावा दिने बताएका छन् । उनले एक्समा लेखेका छन्, 'संयुक्र राष्ट्र संघको महासभामा प्यालेस्टाइनलाई राष्ट्रको मान्यता दिने इम्मानुएल म्याक्रोंको घोषणालाई अमेरिकाले विरोध गर्दछ ।'
The United States strongly rejects @EmmanuelMacron’s plan to recognize a Palestinian state at the @UN general assembly.
— Secretary Marco Rubio (@SecRubio) July 25, 2025
This reckless decision only serves Hamas propaganda and sets back peace. It is a slap in the face to the victims of October 7th.
वर्ल्ड पपुलेसन रिभ्युको तथ्यांकअनुसार विश्वका करिब १४० मुलुकले प्यालेस्टाइनलाई स्वतन्त्र मुलुकको मान्यता दिएका छन् । अरब समूहका सबै देश, इस्लामिक कोअपरेसन अगर्नाइजेसन र असंलग्न आन्दोलन पक्षधर मुलुकहरूले प्यालेस्टाइनलाई स्वतन्त्र राज्यका रूपमा स्वीकारेका छन् । गत वर्ष मात्र आयरल्यान्ड, नर्वे र स्पेनले प्यालेस्टाइनलाई स्वतन्त्र राष्ट्रको मान्यता दिने घोषणा गरेका थिए ।
अधिकांश पश्चिमा र युरोपेली मुलुकहरूले भने प्यालेस्टाइनलाई स्वतन्त्र मुलुकको दर्जा दिएका छैनन् । अमेरिका, बेलायत, फ्रान्स, जर्मनी र अस्ट्रेलियाजस्ता शक्तिराष्ट्रहरूले शान्ति वार्तामार्फत नै मध्यपूर्वको समाधान हुने बताए पनि तत्परता भने देखाएका छैनन् ।
