आजकै दिन : बेलायती प्रधानमन्त्री पहिलो पटक पुगेकी थिइन् इजरायल

थ्याचरलाई तत्कालीन इजरायली प्रधानमन्त्री सिमोन पेरेजसहित मन्त्रिपरिषद्का सदस्यहरूले स्वागत गरेका थिए । भ्रमणका क्रममा मध्यपूर्वको शान्तिप्रक्रिया, आतंकवादविरुद्धको योजना र व्यापार मुद्दाका विषयमा छलफल भएको थियो ।

१९७९ को मे ३ मा बेलायती प्रधानमन्त्रीमा निर्वाचित थ्याचर युरोपकै पहिलो महिला सरकार प्रमुख हुन् । कन्जरभेटिभ दलकी नेतृ थ्याचरले बेलायतमा करिब ११ वर्ष शासन गरिन् । १९२५ मा इंग्ल्यान्डको ग्रानथाममा जन्मिएकी थ्याचरले अक्सफोर्ड विश्वविद्यालयमा रसायनशास्त्र अध्ययन गरेकी थिइन् । त्यसका साथै उनी वकिलसमेत थिइन् ।

१९५९ मा सांसद भएकी थ्याचर १९७० मा शिक्षा तथा विज्ञानमन्त्री बनेकी थिइन् । १९७९ मा प्रधानमन्त्री भएकी उनी १९८३ मा दोस्रो कार्यकालका लागि प्रधानमन्त्री चुनिएकी थिइन् । १९८७ मा बेलायती अर्थतन्त्र सुधार गरेका कारण उनी तेस्रो कार्यकाल प्रधानमन्त्री बनिन् । १९९० को नोभेम्बरमा जोन मेजर संसदीय नेता नेतामा निर्वाचित भएपछि उनले १९९० को नोभेम्बरमा प्रधानमन्त्री पदबाट राजीनामा दिएकी थिइन् । निर्णय क्षमता तथा सरकार र दल सञ्चालनमा उनको निर्णयक्षमता र अडानका कारण उनी ‘आइरन लेडी’ का नाममा समेत परिचित छिन् । थ्याचरको ८७ वर्षको उमेरमा २०१३ अप्रिल ८ मा निधन भएको थियो ।