आजकै दिन (अप्रिल २१) सन् १९३० मा अमेरिकाको ओहायो राज्यको कोलम्बसस्थित एउटा जेलमा आगलागी हुँदा ३ सय २० जना कैदीको मृत्यु भएको थियो । यो आगलागीलाई अमेरिकाको जेलमा भएको सबैभन्दा भयानक दुर्घटना म...
सन् १९४१ मा आजकै दिन (मार्च २८) मा बेलायती साहित्यकार भर्जिनिया वुल्फको निधन भएको थियो । २० औं शताब्दीको आधुनिक साहित्यकारका रूपमा परिचित वुल्फले ५९ वर्षको उमेरमा आत्महत्या गरेकी थिइन् ।
सन् १९६८ मा आजकै दिन (मार्च २७) मा युरी गागरिनको मृत्यु भएको थियो । उनी विश्वकै पहिलो अन्तरिक्ष यात्री हुन् । १९३४ मार्च ९ मा रुस (तत्कालीन सोभियत संघ) को गजहत्स्कमा जन्मिएका गागरिनले १९५१ मा विद्यालय शिक्षा उत्तीर्ण गरेका थिए । त्यसपछि उनले अध्ययनका लागि साराटोभ कलेज भर्ना भएका गागरिनले सँगसँगै उडानसम्बन्धी प्रशिक्षण गरेका थिए ।
सन् २००० मा आजकै दिन (मार्च २६) मा भ्लादिमिर पुटिन रुसको राष्ट्रपतिमा पहिलो पटक विजयी भएका थिए । उनी ५३.४४ प्रतिशत मतसहित विजयी भएका थिए । पुटिनका निकटतम प्रतिद्वन्द्वी गेनाडी ज्युगानोभले २९.४९ प्रतिशत मत ल्याएका थिए ।
सन् २००६ मा आजकै दिन (मार्च २१) मा ज्याक डोर्सीले सामाजिक सञ्जाल ट्वीटरमा पहिलो ट्वीट गरेका थिए । सहसंस्थापक डोर्सीले ट्वीटरमा ‘जस्ट सेटिङ अप माई ट्वीटर’ लेखेर पोस्ट गरेका थिए ।
सन् २०१२ मा आजकै दिन (मार्च १६) मा भारतीय क्रिकेटर सचिन तेन्दुलकरले अन्तर्राष्ट्रिय खेलमा एक सय शतकको रेकर्ड बनाएका थिए । उनले बंगलादेशविरुद्ध ढाकास्थित मिरपुर स्टेडियममा भएको खेलमा सयौं शतक प्रहार गरेका थिए । अन्तर्राष्ट्रिय क्रिकेटमा सय शतक प्रहार गर्ने तेन्दुलकर एकमात्र खेलाडी हुन् ।
सन् २०१८ मा आजकै दिन (मार्च १४) मा एन्जेला मर्केलले जर्मन चान्सलरका रूपमा चौथो कार्यकाल सुरु गरेकी थिइन् । उनी आमनिर्वाचनको एक सय ७१ दिनपछि गठबन्धन सरकारको प्रमुख बनेकी थिइन् ।
सन् १९६८ मा आजकै दिन (मार्च २) मा अभिनेता डानियल क्रेगको जन्म भएको थियो । उनी जेम्स बोन्ड सिरिजका छैटौं अभिनेता हुन् । उनी जेम्स बोन्ड सिरिजका फिल्ममा अभियन गरेपछि अन्तर्राष्ट्रिय रूपमा चर्चित बनेका हुन् ।
सन् १९६३ मा आजकै दिन (फेब्रुअरी १७) मा अमेरिकी बास्केटबल खेलाडी माइकल जोर्डनको जन्म भएको थियो । न्युयोर्कमा जन्मिएका जोर्डन बास्केटबलका सर्वकालीन महान् खेलाडीका रूपमा विश्वभर परिचित छन् ।
सन् १९५९ मा आजकै दिन (फेब्रुअरी १६) मा फिडेल क्यास्ट्रो क्युबाको प्रधानमन्त्री भएका थिए । सैनिक तानाशाह जर्नेल फुल्गेन्सियो बाटिस्टालाई पराजित गर्दै क्यास्ट्रोले देशमा कम्युनिस्ट शासन स्थापित गरेका थिए ।
सन् १९९१ मा आजकै दिन (फेब्रुअरी १३) मा अमेरिकाले इराकमा दुईवटा ‘स्मार्ट बम’ प्रहार गरेको थियो । इराकी राजधानी बग्दादलाई लक्षित गरी प्रहार भएका बम प्रहारका कारण कम्तीमा ४ सय ८ जनाको ज्यान गएको थियो ।
सन् १९९४ मा आजकै दिन (फेब्रुअरी ८) मा भारतीय क्रिकेटर कपिल देवले टेस्ट क्रिकेटमा सबैभन्दा बढी विकेटको कीर्तिमान कायम गरेका थिए । भारतको अहमदाबादमा श्रीलंकाविरुद्धको खेलमा विकेट लिएसँगै कपिलले ४ सय ३२ रन विकेटको कीर्तिमान राख्न सफल भएका थिए ।
सन् १९३३ मा आजकै दिन (जनवरी ३०) मा एडोल्फ हिटलर जर्मनीको चान्सलर नियुक्त भएका थिए । जर्मनीका राष्ट्रपति पल भोन हिन्डेनबर्गले आफ्ना छोरा, विभिन्न उद्योगीहरू, पूर्वचान्सलर फ्रान्ज भोन पापेनलगायतको छलफलपछि हिटलरलाई चान्सलर स्वीकार गरेका थिए ।
सन् २०११ मा आजकै दिन (जनवरी २७) मा लोकतन्त्रको पक्षमा बृहत् प्रदर्शन सुरु भएको थियो । लोकतन्त्र पक्षधरहरूले यमनी राष्ट्रपति अली अब्दुल्लाह सालेहविरुद्ध राजधानी सानालगायतका प्रमुख सहरमा प्रदर्शन सुरु गरेका थिए ।
पहिलो अफिम युद्धमा बेलायतसँग हार खाएको चीनले एंग्लो–चिनियाँ द्वन्द्वको अन्त्य गर्न चुयन्पी सम्झौतामा हस्ताक्षर गरेर हङकङ औपचारिक रूपमा बेलायतलाई सुम्पिएको थियो । सन् १८३९ मा बेलायतले आफ्ना विरोधीलाई सहयोग गर्नेलाई तह लगाउने भन्दै चीनमाथि आक्रमण गरेको थियो ।
सन् १९४२ मा आजकै दिन (जनवरी १७) मा अमेरिकी बक्सर मुहम्मद अलीको जन्म भएको थियो । अमेरिकाको केन्टकी राज्यमा जन्मिएका अलीको खास नाम क्यासियस मार्सेलस क्ले थियो ।
सन् १९७० मा आजकै दिन (जनवरी १६) मा लिबियाको शासनसत्ता मुअम्मर गद्दाफीले नियन्त्रणमा लिएका थिए । राजा इद्रिस उपचारका लागि टर्की गएको मौका छोपेर गद्दाफी नेतृत्वको एक सैनिक समूहले रक्तपातविहीन ‘कू’ मार्फत सत्ताकब्जा गरेको थियो ।
