छुट्टै विज्ञान तथा प्रविधि मन्‍त्रालय स्थापना गरिने- विज्ञान र प्रविधि - कान्तिपुर समाचार
कान्तिपुर वेबसाईट
AdvertisementAdvertisement
माओवादी केन्द्रको प्रतिबद्धतापत्र

छुट्टै विज्ञान तथा प्रविधि मन्‍त्रालय स्थापना गरिने

विज्ञान शिक्षामा रहेका अवैज्ञानिक पक्षलाई परिमार्जन गरी वैज्ञानिक बनाइने
१ अर्बको राष्ट्रिय विज्ञान, प्रविधि तथा नवप्रवर्तन कोष स्थापना गरिने
कान्तिपुर संवाददाता

काठमाडौँ — नेकपा माओवादी केन्द्रले शिक्षा, विज्ञान तथा प्रविधि मन्त्रालयलाई टुक्र्याएर छुट्टै विज्ञान तथा प्रविधि मन्त्रालयको स्थापना गर्ने प्रतिबद्धता व्यक्त गरेको छ । आगामी मंसिर ४ गते हुन लागेको केन्द्र र प्रदेशको चुनावलाई लक्षित गरेर सोमबार मा‌ओवादी केन्द्रका अध्यक्ष पुष्पकमल दाहालले सार्वजनिक गरेको प्रतिबद्धतापत्रमा विज्ञान तथा सूचना प्रविधिको द्रूत विकासका लागि समयानुकूल कानुन तर्जुमा गरी लागू गरिने उल्लेख छ ।

नेकपा माओवादी केन्द्रले विज्ञान तथा प्रविधि क्षेत्रको विकाससम्बन्धी १० वर्षे रणनीतिक गुरुयोजना तयार गरेर त्यसको प्रभावकारी कार्यान्वयन गर्ने प्रतिबद्धता व्यक्त गरेको छ ।

'वर्तमान विज्ञान प्रविधिको विकास र प्रयोगको अपरिहार्यतालाई ध्यानमा राखी छुट्टै विज्ञान तथा प्रविधि मन्त्रालयको व्यवस्था गरिनेछ,' घोषणापत्रमा भनिएको छ, 'नास्ट र नार्कजस्ता संस्थाहरूको पुनर्संरचना गरेर ती संस्थाहरूको अनुसन्धान तथा विकाससम्बन्धी कार्यलाई प्रभावकारी बनाइने छ ।'

माओवादीले विज्ञान तथा सूचना प्रविधिसम्बन्धी कार्यमा संलग्न निजामती कर्मचारीको विज्ञान तथा प्रविधि सेवाको छुट्टै सेवा निर्माण गर्ने प्रबिद्धता पनि व्यक्त गरेको छ । 'निजामति सेवामा विज्ञान तथा प्रविधि समूह भनेर छुट्टै सेवाको स्थापना गरिनेछ,' प्रतिबद्धतापत्रमा भनिएको छ ।

संघ र सबै प्रदेशहरूमा अन्तर्राष्ट्रिय स्तरको अनुसन्धान केन्द्र एक वर्षभित्रमा स्थापना गरिने माओवादीको घोषणापत्रमा उल्लेख छ । हरेक स्थानीय तहमा एक अनुसन्धान तथा विकास केन्द्रको अवधारणा लागू गरिने प्रतिबद्धता पनि जनाइएको छ ।

घोषणापत्रमा वैज्ञानिक खोज‚ अनुसन्धान र नवप्रवर्तनलगायत विज्ञान प्रविधि क्षेत्रको विकासमा काम गर्नेलाई अनुदान उपलब्ध गराइने, विज्ञान तथा सूचना प्रविधिसम्बन्धी उद्योगको स्थापना, १ अर्ब रुपैयाँको राष्ट्रिय विज्ञान, प्रविधि तथा नवप्रवर्तन कोष स्थापना गरी सो कोषबाट विज्ञान प्रविधिको विकास, अध्ययन अनुसन्धान र नवप्रवर्तनमा जोड दिइने उल्लेख छ ।

यस्तै, ५ वर्षभित्र हाइड्रोजन प्लान्टको स्थापना गरिने पनि प्रतिबद्धता व्यक्त गरेको छ । विज्ञान शिक्षामा रहेका अवैज्ञानिक पक्षलाई परिमार्जन गरी वैज्ञानिक बनाइने प्रतिबद्धता व्यक्त गरेको छ ।

नेपालमा टेक्नोलोजी एसेम्बलिङ कारखानाहरूको स्थापना र सञ्चालन गरिने पनि घोषणापत्रमा जनाइएको छ । माओवादी केन्द्रले अनुत्पादक क्षेत्रको लगानी कटौती गरी पाँच वर्षभित्र राष्ट्रको कूल गार्हस्थ्य उत्पादनको कम्तीमा १ प्रतिशत विज्ञान तथा प्रविधिको विकास र प्रयोगमा लगानी गर्ने प्रतिबद्धता व्यक्त गरेको छ ।

प्रकाशित : कार्तिक १४, २०७९ १६:३५
प्रतिक्रिया
पठाउनुहोस्

दिल्ली उडान गर्न नसकेकोमा निगमले माग्यो माफी

पर्यटनमन्त्रीद्वारा निगमका कार्यकारी अध्यक्षको राजीनामा माग
सुरज कुँवर

काठमाडौँ — उडान अनुमति नलिई दिल्ली र काठमाडौंमा ४ सय ५० जना यात्रु अलपत्र पार्ने गरी आइतबार भएको घटनामा नेपाल वायुसेवा निगमले माफी मागेको छ । निगमले आइतबारका लागि राखेको आरए-२१७/२१८ नम्बरको काठमाडौं–दिल्ली–काठमाडौं र सोमबार बिहान रद्ध गरेको आरए २०५–२०६ नम्बरको उडान विशेष कारणवश रद्ध गर्नुपरेको जनाउँदै यात्रुसँग माफी माग्दै विज्ञप्ति निकालेको छ । त्यस्तै आगामी दिनमा यस्ता घटना नदोहोर्‍याउने प्रतिबद्धतासमेत जनाएको छ । 

फाइल तस्बिर

३० अक्टोबर २०२२ को काठमाडौं–दिल्ली–काठमाडौंको आरए २१७–२१८ र ३१ अक्टोबरको उडान नम्बर आरए २०५–२०६ विशेष कारणवश रद्ध भएकाले यात्रुवर्गमा पर्न गएको असुविधाप्रति निगम दुःख व्यक्त गर्दछ‚’ निगमद्वारा जारी विज्ञप्तिमा भनिएको छ, ‘आगामी दिनमा यस्तो नहोस् भनी सचेत रहनेसमेत प्रतिबद्धता व्यक्त गर्दछौं ।’

यसैबीच यस घटनाबारे सोमबार संस्कृति, पर्यटन तथा नागरिक उड्डयन मन्त्रालयले निगमका कार्यकारी अध्यक्ष युवराज अधिकारी, वाणिज्य विभागका निर्देशक जनकराज कालाखेती, यात्रु सेवा विभागका निर्देशक टंकनिधि दाहाललगायतलाई मन्त्रालयमा बोलाएका थिए ।

प्राधिकरणका महानिर्देशक प्रदीप अधिकारीसहित पर्यटनसचिव सुरेश अधिकारी र मन्त्रालयका सहसचिवहरू सम्मिलित बैठकमा पर्यटनमन्त्री जीवनराम श्रेष्ठले निगमका कार्यकारी अध्यक्ष युवराज अधिकारीलाई राजीनामा दिन भनेका थिए ।

‘तपाईंको लहडमा ध्वजावाहक संस्था चल्दैन, राजीनामा दिनुहोस् । राष्ट्रको बेइजत नगर्नुस्,’ मन्त्रीले भने, ‘अदालतको परामादेशले तपाईंलाई निगमको भविष्यमा खेलवाड गर्न छुट दिएको छैन ।’

पर्यटनमन्त्री श्रेष्ठले यस घटनामा संलग्न वाणिज्य विभागलगायत ककसको कमजोरीले भएको हो छानबिन गरी तत्काल कारबाही गर्न निर्देशन दिएको कान्तिपुरलाई बताए ।

बैठकमा सहभागी नागरिक उड्डयन प्राधिकरणका महानिर्देशक अधिकारीले आफू आइतबार बाहिर रहेको बताउँदै यदि काठमाडौंमै भइदिएको भए निगमका कार्यकारी अध्यक्ष अधिकारीलाई प्रहरी लगाएर पक्राउ गर्नुपर्ने घटना भएको बैठकमा बताएका थिए ।

निगमको दिल्ली उडान रोक्दा ४ सय यात्रु अलपत्र
निगमले सोमबार पनि रद्द गर्‍यो दिल्लीका २ उडान

प्रकाशित : कार्तिक १४, २०७९ १६:२५
पूरा पढ्नुहोस्
प्रतिक्रिया
पठाउनुहोस्
x
×