चितवन — रास्वपा महामन्त्री पदका उम्मेदवार कविन्द्र बुर्लाकोटी, गणेश पराजुली र प्रमोद न्यौपानेले उम्मेदवारी फिर्ता लिँदै विपीन आचार्यलाई समर्थन गर्ने निर्णय गरेका छन् । 

चितवनमा जारी रास्वपा महाधिवेशन स्थलमा पत्रकारसँग कुरा गर्दै उनीहरुले आफूहरुको समर्थन आचार्यलाई रहने घोषणा गरे । आचार्य निवर्तमान सहमहामन्त्री हुन् ।

उम्मेदवारी फिर्ताको घोषण गर्दै पराजुलीले जगदीश खरेल, शिशिर खनाल समेतले आचार्यलाई समर्थन गर्ने निर्णय गरेको बताए ।

न्यौपानेले पदाधिकारी चयनमा एक चरणको आपसी सहमति र थप लोकतान्त्रिक पद्धतिअनुसार अघि बढ्दै गर्दा अबको प्रक्रियामा आचार्यलाई समर्थन गर्ने निर्णय लिएको बताए ।

आचार्यले पार्टीलाई एउटै धागोमा बाँधेर अघि बढाउने लक्ष्यसहित अघि बढ्ने प्रतिबद्धता जनाएका छन् । 

रास्वपाको दोस्रो चरणको निर्वाचन: पदाधिकारीका उम्मेदवारको प्रारम्भिक नामावली सार्वजनिक [सूची]

एक जना महामन्त्री पदका लागि १० जनाको उम्मेदवारी परेको थियो । यसअघि जगदीश खरेलले उम्मेदवारी फिर्ता गरिसकेका छन् ।