स्याङ्जा — निकटतम् प्रतिद्वन्द्वीलाई ४ हजार ५ सय २४ मतले पछाडि पार्दै स्याङ्जाको निर्वाचन क्षेत्र नम्बर २ मा  रास्वपाका उम्मेदवार झविलाल डुम्रे निर्वाचित भएका छन् । रास्वपाका डुम्रेले २५ हजार ३ सय ५४  मत ल्याए ।

कांग्रेसका भागवतप्रकाश मल्लले २० हजार ८ सय ३० मत ल्याएर उपविजेता बनेका छन् । यस्तै, नेकपा एमालेका उम्मेदवार खिमबहादुर थापाले १४ हजार १०८ मत ल्याएर तेस्रो भएका छन् भने, नेपाली कम्युनिस्ट पार्टीका उम्मेदवार रेशम विश्वकर्माले ८ सय ४८ मतसहित चौथो भएका छन् । 

स्याङ्जा-२ मा एक लाख १७ हजार ९ सय ३० मतदाता थिए । तीमध्ये ६४ हजार ९ सय २८ मत खसेको थियो । खसेको मतमध्ये ६२ हजार २ सय ६६ मत सदर र २ हजार ६ सय ६२ मत बदर भएको थियो ।