लगातारको वर्षाले होल्डिङ सेन्टरभित्रका कोठाहरूमा पानी भरिँदा उनीहरूका सबै बन्दोबस्तीका सामान डुबेका छन् ।

सेन्टरमा आश्रित गिर्वाणिका थापाका अनुसार पानी घुँडाभन्दा माथिसम्म आइसकेकाले सामानहरू सुरक्षित स्थानमा सार्नसमेत पाइएको छैन ।

विपद्को यति लामो समय बितिसक्दा पनि उद्धारका लागि कोही नपुगेको भन्दै उनीहरूले तत्काल उद्धारका लागि आग्रह गरेका छन् ।

होल्डिङ सेन्टरमा बोट प्रयोग गरेर सुरक्षाकर्मीहरूले सामान निकाल्न खोजिरहेका छन् ।

राति पसेको बाढीमा अधिकांशले सामान र लत्ताकपडा निकाल्न पाएनन् । कतिले त औषधिधरि निकाल्न पाएनन् । सुरक्षाकर्मी पनि २ बजे पछि मात्र पुगेका थिए ।