ठूलो संख्यामा सहभागी महाधिवेशन प्रतिनिधिहरु गर्मीले असिनपसिन देखिन्छन् । केही कार्टुनको टुक्रा हम्किएर शरीरलाई शीतल बनाउने कोसिस गरिरहेका छन् ।गर्मीले धापिएका महाधिवेशन प्रतिनिधिलाई पार्टीले मोहीको व्यवस्था गरेको छ । महाधिवेशन उद्घाटनस्थल भरतपुर गेस्ट हाउस चौरमा दुग्ध विकास संस्थान (डीडीसी) र जिल्लाका दुग्ध सहकारीले स्टल राखेर दहीमोही बेचिरहेका छन् ।

चितवन जिल्ला दुग्ध उत्पादक सहकारी संघ लिमिटेडका अध्यक्ष किशोर बगालेले आजका लागि विभिन्न सहकारीबाट ७/८ हजार लिटर मोही खपत हुने बताए । गर्मीमा मोही पिउने चलन चितवनमा बढ्दो छ ।

रास्वपामा नयाँ नेतृत्व चुन्नका लागि ४ हजार २११ महाधिवेशन प्रतिनिधि भेला भएका छन् । महाधिवेशनबाट केन्द्रीय सदस्य १ सय ५८ (७ प्रदेश समिति सभापति पदेन केन्द्रीय सदस्य) र सभापतिसहित १९ पदाधिकारी चयन हुनेछन् ।