चक्रपथ अन्तर्गत एयरपोर्ट क्षेत्रको सडक किनार, उपत्यकाको टुँडिखेल, रत्नपार्क, दरबारमार्ग, एयरपोर्ट क्षेत्रसहित ललितपुरको महालक्ष्मीस्थान लगायत विभिन्न स्थानमा यो फुलेको छ ।

वसन्त ऋतुमा फुल्ने यस फूलले सडक किनारको शोभा बढाएको छ । सडकछेउमा ज्याकारान्डाले चर्किँदो घामका बीच पैदलयात्रीलाई शीतलता प्रदान गरिरहेको छ ।

अचेल दिनहुँजसो फूल र सडकलाई पृष्ठभूमिमा राखेर तस्बिर र भिडियो खिच्ने युवायुवतीको उपस्थिति झनै हेर्न लायक छ । स्थानीय नेवार समुदायमा ‘चखुँचा स्वाँ’अर्थात् भँगेरी फूल भनेर पनि यो फूललाई चिन्छन् । वनस्पतिविद् डा. तीर्थबहादुर श्रेष्ठका अनुसार काठमाडौंका सडकछेउमा यस्ता फूल फुल्न थालेको आधा दशकजति मात्रै भएको छ । साथै नेपालका लागि ज्याकारान्डा एक आयातित वनस्पति भएको विज्ञहरूको भनाइ छ । ज्याकान्डा चैतदेखि फुल्न थाल्छ र वैशाख-जेठमा त पूरै रुखभर बैजनीमय फूल फुल्छ ।