काठमाडौँ — एमालेमा नयाँ नेतृत्व चयनका लागि केहीबेरमा मतदान हुँदैछ । यसअघि दिउँसै सुरु हुने भनिए पनि विद्युतीय भोटिङ मेसिनमा कोडिङ मिलाउन समय लागेपछि मतदान ढिला गरी सुरु हुन लागेको हो । मतदानका लागि काठमाडौंको भृकुटिमण्डपमा प्रतिनिधि तम्तयार भएर लामबद्ध छन् । ११औं महाधिवेशन केन्द्रीय निर्वाचन आयोगका अनुसार प्राविधिक काम बाँकी रहेकाले मतदान सुरु हुन केही समय लाग्ने छ ।