नेपाल प्रिमियर लिग (एनपीएल) क्रिकेटमा सुदूरपश्चिम रोयल्सले बुधबार काठमान्डु गोर्खाजमाथि रोमाञ्चक २९ रनको जित निकालेको छ । यससँगै कीर्तिपुरको त्रिवि अन्तर्राष्ट्रिय क्रिकेट रंगशालामा सुदूरपश्चिमले प्रभावशाली विजयी सुरुआत लिएको छ ।जितका लागि १ सय ४८ रन पछ्याएको काठमान्डुले १६.५ ओभरमा सबै विकेट गुमाएर १ सय १८ रन मात्र जोड्न सक्यो । यो जितपछि सुदूरपश्चिमको एक खेलबाट दुई अंक भएको छ । काठमाडौंको पनि दुई खेलबाट दुई अंक नै रहेको छ । उसले आफ्नो पहिलो खेलमा जनकपुर बोल्ट्सलाई हराएको थियो ।