सातदोबाटोतर्फ भने कालोपत्र गर्नका लागि वेस राख्ने काम भइरहेको छ । निर्माण प्रगति ८५ प्रतिशत पुगेको छ । 'अहिले धमाधम काम भइरहेको छ,' निर्देशक बाराहिले भने, 'जेठभित्र निर्माणको काम सकेर सवारी सन्चालन गर्ने तयारीमा छौं ।' २०७८ फागुनबाट दुई वर्षभित्र सक्ने गरी ओभरपास निर्माणको काम थालिएको थियो । तर अहिलेसम्म सकिएको छैन । यसको ठेक्का आशिष–समानान्तर–रेलिगेर जेभीले १७ करोड ६ लाख ८८ हजार रुपैयाँमा लिएको हो ।

सुरु सम्झौताअनुसार २०८० फागुन १२ भित्र ओभरपास निर्माण सकिनुपर्ने हो । तर उक्त समयभित्र काम नसकिएपछि दोस्रो पटक २०८१ असारसम्मका लागि म्याद थपियो । उक्त समयभित्र पनि काम नसकिएपछि गत पुस ९ सम्म म्याद थियो । तर काम सकिएन । अहिले निर्माण कम्पनीलाई जरिवाना लगाएर काम गराइएको केन्द्रले जनायो । तर निर्माण व्यवसायीले भने घाटा सहेर काम गरिरहेको बताउँदै आएका छन् ।आवतजावतको संरचनासहित ५ सय ४० मिटर लामो ओभरपास बन्नेछ ।

र्‍याम्प १०.२ मिटरसम्म अग्लो बन्नेछ । ओभरपासमा अहिलेसम्म निर्माण प्रगति ८२ प्रतिशत मात्र छ । ठेक्का भएको १३ महिनामा डिजाइनमा समस्या आएपछि काम रोकिएको थियो । इन्जिनियरिङ प्रोक्योरमेन्ट एन्ड कन्स्ट्रक्सन (ईपीसी) मोडलअन्तर्गत यसको ठेक्का गरिएको हो । त्यसैले यसमा डिजाइनदेखि निर्माणसम्मको काम ठेक्का लिने कम्पनीले नै गर्नुपर्छ ।निर्माणका क्रममा प्राविधिक समस्या देखिएपछि मुख्य काम रोकेर व्यवसायीले ‘डिजाइन रिभाइज’ गरेका थिए ।