खाग्दलको बेलिब्रिज बगाएपछि कोदारी राजमार्ग अवरुद्ध
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
सिन्धुपाल्चोक — चीनसँग जोड्ने बाह्रबिसे-तातोपानी (२६ किलोमिटर) सडकमा पर्ने खाग्दल बजारमा रहेको बेलिब्रिज बाढीले बगाएको छ । खाग्दल खोलामा आएको बाढीले बेलिब्रिज बगाउँदा तातोपानी-बाह्रबिसेको सडक सर्म्पक टुटेको छ ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/natural-disaster/badisindhuplachowkkhagdil-6-1572024053557-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/natural-disaster/badisindhuplachowkkhagdil-10-1572024053612-1000x0.jpg&w=1001&h=0)
यहाँका स्थानीयको जनजीवन अस्तव्यस्त बनेको छ । इलाका प्रहरी बाह्रबिसेका प्रहरी निरीक्षक देवेन्द्रराज जोशीकाअनुसार सोमबार रातको दुई बजे खाग्दल खोलामा आएको बाढीले बेलिब्रिज बगाएसँगै आसपासका आधा दर्जन घरटहरामा क्षति पुर्याएको छ ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/natural-disaster/badisindhuplachowkkhagdil-7-1572024053602-1000x0.jpg&w=1001&h=0)
अविरल वर्षात कारण उर्लिएको खाग्दल खोला रातको दुई नबज्दै बेलिब्रिज माथिबाट बग्न थालेपछि स्थानीयको भागभाग भएको थियो । पुल बगाएर वारपर नदी पसेपछि जोखिमबाट स्थानीयलाई जोगाउन रातिनै नजिकैको सुरक्षित स्थानमा लगिएको प्रनि जोशीले बताए ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/natural-disaster/badisindhuplachowkkhagdil-5-1572024053552-1000x0.jpg&w=1001&h=0)
०७७ असार २५ मा अविरल वर्षाकै कारण खाग्दल र भोटेकोशीमा आएको बाढीले यहाँको पुरानो मोटरबेल पुल बगाएसँगै दुई दर्जन परिवार विस्थापित बनेका थिए ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/natural-disaster/badisindhuplachowkkhagdil-3-1572024053547-1000x0.jpg&w=1001&h=0)
नदी घरटहराभित्र पसेर लेदोले पुरेपछि यहाँका स्थानीय हैरान छन् । 'अब यो दुई महिना कसरी जोगिने होला हे भगवान् ! यहाँ बर्खापिच्छै यही अवस्था र जोखिम हुने भो,' स्थानीय सुविन श्रेष्ठले दुःखेसो गरे ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/natural-disaster/badisindhuplachowkkhagdil-1-1572024053542-1000x0.jpg&w=1001&h=0)
खाग्दलसहित कोदारी राजमार्गको खण्डपिच्छै विभिन्न स्थानमा बाढीपहिरो गएपछि सडक भएको छ । घटना भएलगत्तै पुगेका जनप्रतिनिधि बाह्रबिसे नगरका मेयर बालकृष्ण बस्नेत, उपमेयर मंञ्जु तामाङले तत्कालै पीडित जनतालाई सहज बनाउन लागि पर्ने प्रतिबद्धता गरेका छन् । 'तत्काल सडक सरसफाई भइरहेको छ, अन्य हामीले गर्न सक्ने सबै काम गर्नेछौं,' मेयर बस्नेतले भने ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/natural-disaster/badisindhuplachowkkhagdil-11-1572024053617-1000x0.jpg&w=1001&h=0)
![](https://assets-cdn.ekantipur.com/uploads/source/ads/900-x-100-1-0282024055738.gif)